सुषमा अंधारेंच्या ट्विटवर मोहित कंबोज यांचे प्रत्युत्तर, सुषमा अंधारे आणि राखी सावंत या दोन्ही बहिणी एक बहिण महाराष्ट्राच्या राजकारणात तर दुसरी बहिण सिनेमात

ठाण्यात ठाकरे गटाच्या महिला पदाधिकाऱ्याला झालेल्या मारहाण प्रकरणाचे पडसाद राजकीय वर्तुळात उमटताना पाहायला मिळत आहेत. या प्रकाराचा निषेध करण्यासाठी बुधवारी आदित्य ठाकरे, जितेंद्र आव्हाड, सुषमा अंधारे आणि मविआच्या इतर कार्यकर्ते – पदाधिकाऱ्यांनी ठाण्यात मोर्चा काढला. यावेळी भाषणात बोलताना ठाकरे गटाच्या उपनेत्या सुषमा अंधारे यांनी सत्ताधाऱ्यांवर तोंडसुख घेतलं. त्यावरून आता भाजपा आणि शिंदे गटाकडून प्रतिक्रिया येत असून भाजपा नेते मोहित कम्बोज भारतीय यांनी खोचक ट्वीट करत टोला लगावला.

सुषमा अंधारेंनी बुधवारी सभेत बोलताना देवेंद्र फडणवीसांवर खोचक शब्दांत टीका केली होती. तसेच, देवेंद्र फडणवीसांच्या “झुकेगा नहीं, घुसेगा” या डायलॉगवरही त्यांनी ट्विटर पोस्टच्या माध्यमातून टोला लगावला होता. “झुकेगा नहीं घुसेगा साला हा डायलॉग भारीच होता. पण २०१६ पासून तुमच्या घरात एक बाई घुसली आणि तुमच्याच पत्नीवर स्पायिंग करत होती. हे तुम्हाला सात वर्षे कळले नाही आणि तुम्ही घुसायच्या बाता कराव्यात हे काही पटत नाही राव”, असं त्यांनी पोस्टमध्ये म्हटलं होतं.

"झुकेगा नही घुसेगा साला" हा डायलॉग भारीच होता पण 2016 पासून तुमच्या घरात एक बाई घुसली आणि तुमच्याच पत्नी वर स्पायिंग करत होती हे तुम्हाला 7वर्षे कळले नाही आणि तुम्ही #घुसायच्या बाता कराव्यात हे काय पटत नाही राव !!@ShivsenaUBTComm @ShivSenaUBT_ @AUThackeray @OfficeofUT

— SushmaTai Andhare🔥 (@andharesushama) April 5, 2023

सुषमा अंधारेंचं हे ट्वीट व्हायरल होऊ लागलं असताना आता त्यावर मोहित कम्बोज यांनी टोला लगावला आहे. मोहित कम्बोज यांनी सुषमा अंधारेंची तुलना थेट बॉलिवुड अभिनेत्री व मॉडेल राखी सावंत हिच्याशी केली आहे.

मोहित कम्बोज यांनी केलेल्या ट्वीटमध्ये सुषमा अंधारे सनसनाटी निर्माण करण्याचा प्रयत्न करत असल्याचा दावा करण्यात आला आहे. सुषमा अंधारे आणि राखी सावंत या दोन्ही बहिणी आहेत. एक बहीण महाराष्ट्राच्या राजकारणात तर दुसरी बहीण महाराष्ट्राच्या सिनेमामध्ये. दोन्ही बहिणी एकमेकींशी स्पर्धा करत आहेत की रोज सगळ्यात जास्त सनसनाटी कोण निर्माण करेल.

सुषमा अंधारे और राखी सावंत दोनों बहन हैं …

एक बहन महाराष्ट्र की राजनीति में और दूसरी बहन महाराष्ट्र सिनेमा में …..

दोनों एक दूसरे की प्रतियोगी भी हैं की रोज़ ज़्यादा
सनसनी कौन मचाई गा !

— Mohit Kamboj Bharatiya ( Modi Ka Parivar ) (@mohitbharatiya_) April 6, 2023