Marathi e-Batmya
Related Articles
५ जून रोजी जगभरात प्रदर्शित होणाऱ्या ‘ठग लाईफ’ या तामिळ चित्रपटाचे प्रदर्शन कर्नाटकात होणार नाही, कारण कर्नाटक उच्च न्यायालयाने या संदर्भात सूचना केल्यानंतरही अभिनेता कमल हासन यांनी ‘कन्नड ही तामिळ भाषेतून जन्मली आहे’ या वादग्रस्त विधानाबद्दल माफी मागितली नाही.
कन्नड समर्थक संघटना आणि कर्नाटक फिल्म चेंबर ऑफ कॉमर्स (केएफसीसी) यांच्या विरोधामुळे राजकमल फिल्म्स इंटरनॅशनल (ज्यामध्ये कमल हासन दिग्दर्शक आहेत) यांनी चित्रपटाच्या प्रदर्शनासाठी पोलिस संरक्षणाची मागणी करणारी याचिका दाखल केली होती. राजकमल फिल्म्स इंटरनॅशनल कंपनीने असे म्हटले आहे की, केएफसीसीशी उत्साहवर्धक संवाद होत नाही तोपर्यंत कर्नाटकात चित्रपट प्रदर्शित करण्यास ते तयार नाहीत.
केएफसीसीने अभिनेत्याने ‘कर्नाटकातील लोकांच्या भावनांना धक्का लावल्याबद्दल’ त्याच्या वादग्रस्त विधानाबद्दल माफी मागण्याची मागणी केली होती.
३ जून रोजी, अभिनेता कमल हासन यांनी केएफसीसीला एक पत्र लिहून म्हटले होते की, चित्रपटाच्या ऑडिओ लाँच दरम्यान त्यांनी कन्नड भाषेवरील विधान ‘महान डॉ. राजकुमार यांच्याबद्दलच्या खऱ्या प्रेमातून केले होते… आणि त्यांचे शब्द केवळ हे व्यक्त करण्यासाठी होते की, आपण सर्व एक आहोत आणि एकाच कुटुंबातील आहोत आणि कोणत्याही प्रकारे कन्नडला कमी लेखू नये…’
५ जून रोजी कर्नाटकात चित्रपट प्रदर्शित करण्याचा कंपनीचा हेतू नाही, असे याचिकाकर्त्याने केलेले विधान नोंदवून न्यायमूर्ती एम. नागाप्रसन्ना यांनी याचिकेवरील पुढील सुनावणी १० जूनपर्यंत तहकूब केली.
याचिकाकर्त्याने न्यायालयाला स्पष्ट केले की, जोपर्यंत केएफसीसीशी विनंती केलेली चर्चा या समस्येचे निराकरण करण्यासाठी होत नाही तोपर्यंत कर्नाटकात चित्रपट प्रदर्शित करण्याचा कंपनीचा हेतू नसल्याचे सांगितले.
सकाळच्या सत्रात उच्च न्यायालयाने विचारणा केली की, १९५० च्या दशकात भारताचे तत्कालीन गव्हर्नर-जनरल चक्रवर्ती राजगोपालाचारी यांनी अशाच प्रकारचे विधान केल्याबद्दल माफी मागितली होती, तेव्हा अभिनेत्याने त्यांच्या टिप्पणीबद्दल माफी मागून वाद का संपवू शकत नाही असा सवालही यावेळी केला.
“राजगोपालचरारीसारखे लोक माफी मागू शकतात तेव्हा कमल हासन का माफी मागू शकत नाहीत,” असा सवालही न्यायालयाने राजकमल फिल्म्स इंटरनॅशनलचे प्रतिनिधित्व करणाऱ्या वकिलाला विचारले होते.
पुढे बोलताना न्यायालयाने असेही सांगितले की, “तुम्ही कमल हसन असू शकता… पण कोणत्याही नागरिकाला जनतेच्या भावना दुखावण्याचा अधिकार नाही. तीन गोष्टी ज्याबद्दल लोक खूप भावनिक असतात, त्या म्हणजे नेला, जला आणि भाषा (जमीन, पाणी आणि भाषा). या तिन्ही गोष्टी कोणत्याही नागरिकासाठी महत्त्वाच्या आहेत. तुम्हाला माहिती आहे की, राज्ये भाषिक आधारावर निर्माण झाली आहेत. म्हणून तुम्हाला [कमल हासन] भाषेचे महत्त्व माहित आहे,” असे तोंडी निरिक्षणही तोंडी निरीक्षण नोंदविले.
न्यायालयाने तोंडी निरीक्षण केले होते की ‘कमल हासनसारखे सार्वजनिक व्यक्तिमत्व सार्वजनिक व्यासपीठावर असे सार्वजनिक विधान करतात की एक भाषा दुसऱ्या भाषेतून जन्माला येते जेव्हा कोणतीही भाषा दुसऱ्या भाषेतून जन्माला येऊ शकत नाही… त्याचे समर्थन करण्यासाठी कुठून साहित्य आहे? आणि त्या विधानामुळे जे घडले आहे ते अशांतता, असंतोष आहे…. कर्नाटकच्या लोकांनी काय मागितले. माफी मागावी. आता तुम्ही निर्माण केलेल्या परिस्थितीसाठी पोलिस संरक्षण मागण्यासाठी न्यायालयासमोर आला आहात. कर्नाटकच्या लोकांनी ही परिस्थिती निर्माण केली आहे का?” असा सवालही केला.
