नगरविकास मंत्री एकनाथ शिंदे, खासदार राजन विचारे कोरोनाबाधित दोघांनी लोकांना काळजी घेण्याचे केले आवाहन

मराठी ई-बातम्या टीम
ठाण्याचे पालकमंत्री तथा राज्याचे नगरविकास मंत्री एकनाथ शिंदे आणि शिवसेनेचे ठाण्याचे खासदार राजन विचार यांना आज कोरोनाची लागण झाली असून त्यांच्या संपर्कात आलेल्या व्यक्तींनी तपासणी करून घ्यावी असे आवाहन या दोन्ही नेत्यांनी केले आहे.
काल दिवसभर नगरविकास मंत्री एकनाथ शिंदे हे न्हावा शेव्हा प्रकल्पाचे काम पाहण्यासाठी न्हावा शेव्हा येथे गेले होते. त्यांच्यासोबत एमएमआरडीएचे अधिकारीही उपस्थित होते. तेथून परतल्यानंतर त्यांना प्रकृती अस्वस्थ वाटू लागल्यानंतर त्यांनी स्वतःची कोरोना चाचणी केली असता त्याचा अहवाल आज सकारात्मक आला.
त्याचबरोबर ठाण्याचे खासदार राजन विचारे यांनाही काल प्रकृती अस्वस्थ वाटू लागल्याने त्यांनीही कोरोना चाचणी केली असता त्यांचा अहवालही सकारात्मक आला. त्यामुळे या दोन्ही नेत्यांनी त्यांच्या संपर्कात आलेल्यांना स्वतःची चाचणी करण्याचे विलगीकरणात राहण्याचे आवाहन केले.

माझी कोरोना चाचणी पॉझिटिव्ह आली असून डॉक्टरांच्या देखरेखीखाली वैद्यकीय उपचार सुरू आहेत.आपणां सर्वांच्या आशीर्वादाने कोरोनावर मात करून लवकरच मी आपल्या सेवेकरीता हजर होईन.गेल्या काही दिवसात माझ्या संपर्कात आलेल्या व्यक्तींनी काळजी घ्यावी व लक्षणे दिसल्यास तात्काळ कोरोना चाचणी करावी

— Eknath Shinde – एकनाथ शिंदे (@mieknathshinde) January 4, 2022

परंतु मी कोरोना पॉझिटिव झाल्याने मागील दोन-तीन दिवसात माझ्या संपर्कात आलेल्या सर्वांनी आपली कोरोना टेस्ट करून घ्यावी व आपली तसेच आपल्या परिवाराची काळजी घ्यावी.
आपलाच
राजन बाबुराव विचारे
खासदार – ठाणे लोकसभा

— Rajan Vichare – राजन विचारे (@rajanvichare) January 4, 2022