एनआयएकडून रामेश्वरन कॅफे स्फोटप्रकरणातील आरोपींना अटक

राष्ट्रीय तपास संस्थेने (NIA) बेंगळुरू येथील रामेश्वरम कॅफेमध्ये झालेल्या स्फोटामागील मुख्य आरोपीला पश्चिम बंगालमधून अटक केली आहे. कोलकाता येथील लपून बसलेल्या आरोपींना पकडण्यात आले. दहशतवादविरोधी एजन्सीने सांगितले की, मुसावीर हुसैन शाजीबने कॅफेमध्ये बॉम्ब ठेवला होता आणि अब्दुल मतीन ताहा हा स्फोटाचा मास्टरमाईंड होता.

मुसावीर हुसैन शाजीब, अब्दुल मतीन ताहा हे दोघेही २०२० च्या दहशतवादाच्या प्रकरणात आधीच वॉन्टेड आहेत. एनआयएने सांगितले की अब्दुल मतीन ताहा आयएसआयएसच्या बेंगळुरू मॉड्यूल – अल हिंदमध्ये सामील होता.

एनआयएने सांगितले की, आरोपी खोट्या ओळखीखाली लपले होते. एनआयएने एका निवेदनात म्हटले आहे की, आरोपींना केंद्रीय गुप्तचर संस्था आणि पश्चिम बंगाल, तेलंगणा, कर्नाटक आणि केरळमधील पोलिस कर्मचारी यांच्यातील समन्वयाने केलेल्या कारवाईत पकडण्यात आले.

सूत्रांनी सांगितले की, शाजीब आणि ताहा या दोघांनाही परदेशी हँडलरकडून सतत सूचना मिळत होत्या. अटकेमुळे कर्नाटकसह अनेक राज्यांमध्ये पसरलेल्या स्लीपर सेल मॉड्यूलचा पर्दाफाश होऊ शकतो अशी शक्यताही यावेळी व्यक्त करण्यात आली.

स्फोटानंतर शाजीबने बंगळुरू मेट्रोपॉलिटन ट्रान्सपोर्ट कॉर्पोरेशनची (बीएमटीसी) बस गोरागुंटेपल्याला घेतली. तेथून त्यांनी तुमकूरला जाणारी बस पकडली. आरोपी बस बदलत राहिले आणि बल्लारीमार्गे कलबुर्गी येथे गेले. त्यानंतर तो आंध्र प्रदेशातील नेल्लोरला पोहोचला. आंध्र प्रदेशातून शाजीब ओडिशामार्गे कोलकाता येथे पोहोचला.

दुसरीकडे, अब्दुल मतीन ताहा याने वेगळा मार्ग पत्करला, आणि तामिळनाडूमार्गे कोलकात्याला गेला. हे दोघे एकमेकांच्या संपर्कात होते आणि शेवटी कोलकाता येथे भेटले. हे दोघेही कोलकाता सोडण्याच्या बेतात असताना एनआयएच्या अधिकाऱ्यांनी त्यांना अटक केली.

२९ मार्च रोजी, दहशतवादविरोधी एजन्सीने दोन आरोपींची छायाचित्रे आणि तपशील प्रसिद्ध केले आणि प्रत्येकाची माहिती देणाऱ्याला १० लाख रुपयांचे बक्षीस जाहीर केले.

एजन्सीने म्हटले होते की शाजीब आपली ओळख लपवण्यासाठी ‘मोहम्मद जुनेद सय्यद’ नावाचा वापर करत आहे. ताहा हिंदू ओळखपत्रे आणि विघ्नेश नावाचे बनावट आधार कार्ड वापरत होता, असे एनआयएने सांगितले.

गेल्या महिन्यात, एनआयए NIA ने मुख्य आरोपीला रसद पुरवल्याचा आरोप असलेल्या चिक्कमगलुरू येथील रहिवासी असलेल्या मुझम्मिल शरीफला अटक करून ताब्यात घेतले.

NIA Arrests Bengaluru Café Blast Bomber, Along with the Mastermind pic.twitter.com/sSSuyCAwXt

— NIA India (@NIA_India) April 12, 2024