अहमदनगर मधील कर्जत-जामखेड हा राष्ट्रवादी काँग्रेसचे (शरद पवार गट) आमदार रोहित पवार यांचा मतदारसंघ मात्र येथील तरूणांच्या रोजगाराचा प्रश्न सोडविण्यासाठी एमआयडीसी सुरु करण्याची मागणी केली होती. त्यास राज्य सरकारने मंजूरीही दिली होती. परंतु एक वर्ष पूर्ण होत आले तरी त्यास अद्याप मंजूरी देण्यात आले नसल्याच्या निषेधार्थ रोहित पवार यांनी विधिमंडळ परिसरातील छत्रपती शिवाजी महाराजांच्या पुतळ्याजवळ बसून आंदोलन सुरु केले.
भाजपा प्रणित सत्तेत राष्ट्रवादी काँग्रेसचे बडे नेते असलेल्या अजित पवार यांनी आणि त्यांच्यासोबतच्या ८ आमदारांनी सहभाग घेत पाठिंबा दिला. राष्ट्रवादीतील बंडानंतर विधिमंडळाचे पहिलेच अधिवेशन आहे. मात्र या अधिवेशनात पवार विरूध्द पवार असा काही काळ संघर्ष पहायला मिळाला.
दरम्यान, यावरून विधानसभा अध्यक्ष राहुल नार्वेकरांनी आंदोलनावरून विरोधकांना समज दिली. त्या जागेचं पावित्र्य राखण्यासाठी छत्रपती शिवाजी महाराजांच्या पुतळ्याजवळच्या पायऱ्यांवर आंदोलन करायचं नाही हा निर्णय सभागृहात एकमताने झाला होता. त्याबाबत आम्ही रोहित पवारांना आवाहन केलं आहे. माझी विनंती आहे की राष्ट्रवादी पक्षातल्या इतर सदस्यांनी त्यांची समजूत घालावी. रोहित पवारांनी सभागृहात येऊन आपलं म्हणणं मांडावं, असं आवाहन राहुल नार्वेकर यांनी केले.
पाऊस असो वा इतर कोणताही अडथळा… जोपर्यंत माझ्या मतदारसंघातील युवांना न्याय मिळत नाही तोपर्यंत हलणार नाही!#MIDC_आंदोलन pic.twitter.com/Cdwg1MHscW
— Rohit Pawar (@RRPSpeaks) July 24, 2023
मात्र या आंदोलनाच्या अनुषंगाने विधानसभेत राष्ट्रवादी काँग्रेसचे अनिल देशमख यांनी कर्जत-जामखेड येथील नियोजित एमआयडीसी संदर्भात प्रश्न उपस्थित केला.
माझ्या मतदारसंघातील #MIDC चा प्रश्न आश्वासन देऊनही सरकार मार्गी लावत नाही. दबावाच्या राजकारणाला बळी पडणाऱ्या सरकारचा धिक्कार!
आता अखेरचा पर्याय!#उपोषण
रयतेचे राजे श्री छत्रपती शिवाजी महाराज यांच्या चरणी आणि देशाच्या संविधानाच्या उद्देशिकेजवळ,
विधिमंडळ आवार, मुंबई. pic.twitter.com/bIsrdVLNCi— Rohit Pawar (@RRPSpeaks) July 24, 2023
त्यास उत्तर देताना अर्थमंत्री अजित पवार म्हणाले, अनिल देशमुखांनी विधिमंडळ सदस्यांबाबत (रोहित पवार) एक मुद्दा उपस्थित केला. त्यासंदर्भातल्या एका पत्राची कॉपी माझ्याकडे आहे. उदय सामंत यांनी १ जुलै २०२३ ला रोहित पवारांना पत्र दिलं आहे. या पावसाळी अधिवेशनात संबंधितांसमवेत बैठकीचं आयोजन करून योग्य तो निर्णय घेतला जाईल, उपोषणाचा निर्णय मागे घ्यावा असं पत्र उदय सामंतांनी दिलं. मंत्री महोदय पत्र देतात, अजून अधिवेशन संपलेलं नाही. एकच आठवडा झालेला आहे. आत्ताच दुसरा आठवडा सुरू झालाय. लोकप्रतिनिधींनी उद्योगमंत्र्यांनी दिलेल्या पत्राची दखल घेतली पाहिजे. अशा पद्धतीने आंदोलनाला बसणं उचित नाही, असं अजित पवार यावेळी उत्तरात म्हणाले.
मा. @AjitPawarSpeaks दादा धडाडीने निर्णय घेणारे नेते म्हणून आपली ओळख आहे. #MIDC चा विषय हा आजचा नाही तर केवळ अधिसूचना काढून पुढील कायदेशीर बाबी पूर्ण करण्यासाठी गेल्या वर्षभरापासून मी वारंवार मुख्यमंत्री, उद्योगमंत्री यांना भेटून विनंती केली, निवेदनं दिली, विधानसभेतही आवाज उठवला.… pic.twitter.com/4u1quC8BGT
— Rohit Pawar (@RRPSpeaks) July 24, 2023
आमदार रोहित पवार आज सकाळपासून विधानभवनाच्या आवारातील छत्रपती शिवाजी महाराजांच्या पुतळ्याजवळ आंदोलनाला बसले होते. कर्जत-जामखेड मतदारसंघातील प्रस्तावित एमआयडीसी लवकरात लवकर मंजूर व्हावी, या मागणीसाठी रोहित पवारांनी आंदोलन केलं होतं. विधानसभेतही या मुद्द्यावर चर्चा झाली. अखेर उद्योगमंत्री उदय सामंत यांनी रोहित पवारांची समजूत काढल्यानंतर त्यांनी आंदोलन मागे घेतलं.
माझ्या मतदारसंघातील #MIDC ची अधिसूचना काढण्यासाठी केलेल्या आंदोलनाला विधानपरिषदेतील विरोधी पक्षनेते @iambadasdanve साहेब, क्रीडामंत्री @BansodeSpeaks , शेकापचे ज्येष्ठ नेते आमदार जयंत पाटील साहेब, रासपचे अध्यक्ष @MahadevJankarR साहेब, काँग्रेसचे नेते @SunilKedar1111
साहेब, आमदार… pic.twitter.com/y5zOvPS3vh— Rohit Pawar (@RRPSpeaks) July 24, 2023