Breaking News

गोव्यात महाविकास आघाडी लढणार की नाही? नवाब मलिकांनी केले स्पष्ट एकला चलो रेचा राष्ट्रवादी काँग्रेसचा विचार

मराठी ई-बातम्या टीम

देशातील पाच राज्यांच्या विधानसभा निवडणूकीचा कार्यक्रम जाहीर झाल्यानंतर राष्ट्रवादी काँग्रेसचे सर्वेसर्वा शरद पवार यांनी मणिपूर, उत्तर प्रदेश मध्ये काँग्रेस आणि समाजवादी पक्षाबरोबर आघाडी करून तर गोव्यात तृणमूल काँग्रेस, काँग्रेस आणि शिवसेनेसोबत महाविकास आघाडी करून लढणार असल्याचे सांगितले होते. मात्र आता गोव्यात एकला चलो रेचा विचार राष्ट्रवादी काँग्रेस करत असल्याचे पक्षाचे प्रवक्ते नवाब मलिक यांनी सांगितले.

मणिपूर मध्ये काँग्रेससोबत आघाडी करून तेथे पाच जागेवर राष्ट्रवादी काँग्रेस निवडणूक लढवित आहे. तर उत्तर प्रदेशमध्ये समाजवादी पार्टीसह इतर छोट्या-मोठ्या पक्षासह आघाडी करून राष्ट्रवादी निवडणूक मैदानात उतरली आहे. मात्र गोव्यात जागा वाटपाच्या अनुषंगाने अंतिम निर्णय झालेला नसल्याने अखेर राष्ट्रवादी काँग्रेसकडून एकट्याने निवडणूक लढविण्याचा विचार करत असल्याचे त्यांनी सांगितले.

उत्तर प्रदेशमध्ये भाजपाच्या विरोधात वातावरण असून तेथे भाजपाचा पराभव होईल असेही त्यांनी सांगितले.

Check Also

लॉकडाऊनमध्ये पगार कपात- नोकरी गेलेल्या कामगारांसाठी लढू.. व्हिडीओ पहायला विसरू नका कामगार कृती समितीचे विश्वास उटगी यांचे कामगारांना आश्वासन

मुंबई: प्रतिनिधी कोरोना विषाणूचा प्रादुर्भाव रोखण्यासाठी केंद्र आणि राज्य सरकारने लॉकडाऊन जाहीर केला. त्यामुळे सर्वच …

Leave a Reply

Your email address will not be published. Required fields are marked *