मुंबई, ठाणे आणि पुण्यात जवळपास एकसारखे कोरोनाबाधित तर ओमायक्रॉनमध्ये वाढ ३३ हजार ३५६ बरे होवून घरी गेले तर १९ लाख होम क्वारंटाईन

मराठी ई-बातम्या टीम

राज्यातील कोरोनाबाधितांच्या संख्येत कालच्या तुलनेत ३ हजाराची घट आलेली आहे. तसेच मुंबईतील संख्येतही चांगलीच घट आली असून आज मुंबईत ११ हजार ३१७ इतके, तर ठाणे शहर व जिल्ह्यासह नवी मुंबई, कल्याण डोंबिवली, उल्हासनगर, भिवंडी-निझामपूर, मीरा भाईंदर, पालघर, वसई विरार, रायगड, पनवेल आदी ठिकाणी मिळून जवळपास १० हजार असे मिळून मुंबई ठाण्यात २२ हजार ०३७ रूग्ण आढळून आले आहेत. तर पुणे-पिंपरी चिंचवड जिल्ह्यांमध्ये १० हजार रूग्ण आढळून आले आहेत. तर मुंबईसह महाराष्ट्रात ४३ हजार २११ इतके आज रूग्ण आढळून आले आहे.

आढळून येणाऱ्या रूग्णांच्या तुलनेत आज ३३,३५६ रुग्ण बरे होऊन घरी गेले आहेत.  यामुळे राज्यातील रुग्ण बरे होण्याचे प्रमाण (Recovery Rate) ९४.२८% एवढे झाले आहे. राज्यात आज १९ करोना बाधित रुग्णांच्या मृत्यूंची नोंद. सध्या राज्यातील मृत्यूदर १.९८% एवढा आहे. आजपर्यंत तपासण्यात आलेल्या ७,१५,६४,०७० प्रयोगशाळा नमुन्यांपैकी  ७१,२४,२७८ (९.९६  टक्के) नमुने पॉझिटिव्ह आले आहेत. सध्या राज्यात १९,१०,३६१ व्यक्ती होमक्वारंटाईनमध्ये आहेत तर ९२८६ व्यक्ती संस्थात्मक क्वारंटाईनमध्ये असून होम क्वारंटाईमध्ये असणाऱ्यांची संख्या चिंताजनक आहे.

ओमायक्रॉन सर्वेक्षण विषयक माहिती –

आज राज्यात २३८ ओमायक्रॉन संसर्ग असणारे रुग्ण रिपोर्ट झाले आहेत. हे सर्व रुग्ण भारतीय विज्ञान  शिक्षण आणि संशोधन  संस्था यांनी रिपोर्ट केले आहेत. सर्वाधिक रुग्ण पुणे मनपामध्ये आढळून आले असून १९७ रूग्ण इतकी संख्या आहे. तर त्यानंतर पिंपरी चिंचवड – ३२, पुणे ग्रामीण आणि नवी  मुंबई–  प्रत्येकी ३, मुंबई- २, अकोला-१ असे रूग्ण आढळून आले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-