राज्यात ४१ हजार आढळले तर ४० हजार बरे होवून घरी : जाणून घ्या जिल्ह्यात किती रूग्ण होम क्वारंटाईनची संख्या २२ लाखाच्या जवळपास

मराठी ई-बातम्या टीम

कोरोनाबाधित रूग्णांची संख्या चांगलीच स्थिरावत असून बरे होवून घरी जाणाऱ्यांच्या संख्येतही वाढ होताना दिसून येत आहे. मात्र होम क्वारंटाईनमधी रूग्णांच्या संख्येत सातत्याने वाढ होत असल्याने तो एक चिंतेचा विषय ठरू पहात आहे. मुंबईत आज ७ हजार ८९५ इतके रूग्ण आढळून आले असून ठाण्यातील शहर व जिल्हा, मीरा भाईंदर, कल्याण-डोंबिवली, वसई विरार, भिवंडी निझामपूर, नवी मुंबई, उल्हासनगर, पालघर, रायगड आणि पनवेलमध्ये १० हजार रूग्ण आढळून आले आहेत. पुणे जिल्ह्यातील पुणे, पिंपरी चिंचवड आणि जिल्ह्यात १० हजार रूग्ण आढळून आले असून उर्वरीत महाराष्ट्रात जवळपास १४ हजार असे मिळून मुंबईसह राज्यात ४१ हजार ३२७ रूग्ण आज आढळून आले. तर आज ४०,३८६ रुग्ण बरे होऊन घरी गेले असून यामुळे राज्यातील रुग्ण बरे होण्याचे प्रमाण (Recovery Rate) ९४.३% एवढे झाले आहे.

राज्यात आज २९ करोना बाधित रुग्णांच्या मृत्यूंची नोंद झाली असून सध्या राज्यातील मृत्यूदर १.९६% एवढा आहे. आजपर्यंत तपासण्यात आलेल्या ७ कोटी १९ लाख ७४ हजार ३३५ प्रयोगशाळा नमुन्यांपैकी  ७२ लाख ११ हजार ८१० (१०,०२  टक्के) नमुने पॉझिटिव्ह आले आहेत. तसेच सध्या राज्यात २१ लाख ९८ हजार ४१४ व्यक्ती होमक्वारंटाईनमध्ये आहेत तर २९२१ व्यक्ती संस्थात्मक क्वारंटाईनमध्ये आहेत. ओमायक्रॉन सर्वेक्षण विषयक माहिती –

आज राज्यात ८ ओमायक्रॉन संसर्ग असणारे रुग्ण रिपोर्ट झाले आहेत. हे सर्व रुग्ण राष्ट्रीय रासायनिक प्रयोगशाळेने  रिपोर्ट केले आहेत. यामध्ये पुणे मनपा – ५ तर पिंपरी चिंचवड – ३ असे रूग्ण आढळून आले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-