मुंबईसह उपनगरात संख्या स्थिरावली: मात्र ओमायक्रॉन बाधितांच्या संख्येत मोठी वाढ १५ हजार रूग्ण बरे होवून घरी गेले

मराठी ई-बातम्या टीम

काल मुंबईसह उपनगरात ३३ हजार रूग्ण आढळून आले होते. त्याच तुलनेत आज मुंबईत जवळपास एक हजाराने रूग्णसंख्या कमी आढळून आली आहे. मात्र उपनगरातील ठाणे शहर-जिल्हा, नवी मुंबई, कल्याण-डोंबिवली, उल्हासनगर, भिवंडी-निझामपूर, मीरा भाईंदर, पालघर, वसई विरार, रायगड, पनवेल मध्ये संख्येत थोडीशी वाढ झाल्याचे दिसत असले तरी मुंबईसह उपनगरात ३३ हजार २९९ इतके बाधित आढळून आले आहेत. मात्र राज्यात चांगलीच वाढ होताना दिसत असून मुंबईसह राज्यात ४१ हजार रूग्ण होते. तर आज त्यात जवळपास ३ हजाराची वाढ झाली असून ४४ हजार ३८८ रूग्ण आढळून आले.

तर दिलासादायक म्हणजे आज १५,३५१ रुग्ण बरे होऊन घरी गेले आहेत. त्यामुळे राज्यातील रुग्ण बरे होण्याचे प्रमाण (Recovery Rate) ९४.९८% एवढे झाले आहे. तर राज्यात आज १२ करोना बाधित रुग्णांच्या मृत्यूंची नोंद. सध्या राज्यातील मृत्यूदर २.०४% एवढा आहे. आजपर्यंत तपासण्यात आलेल्या ७,०५,४५,१०५ प्रयोगशाळा नमुन्यांपैकी  ६९,२०,०४४ (९.८  टक्के) नमुने पॉझिटिव्ह आले आहेत. सध्या राज्यात १०,७६,९९६ व्यक्ती होमक्वारंटाईनमध्ये आहेत तर २६१४ व्यक्ती संस्थात्मक क्वारंटाईनमध्ये आहेत.

ओमायक्रॉन सर्वेक्षण विषयक माहिती –

काल ओमायक्रॉनबाधितांची संख्या १३४ इतके रूग्ण आढळून आले होते. मात्र आज राज्यात २०७ ओमायक्रॉन संसर्ग असणारे रुग्ण रिपोर्ट झाले आहेत. यापैकी १५५ रुग्ण बी जे वैद्यकीय महाविद्यालय यांनी आणि ५२ रुग्ण राष्ट्रीय विषाणू विज्ञान संस्थेने रिपोर्ट केले आहेत. यातील सर्वाधिक रूग्ण सांगलीत- ५७, मुंबई -४०, पुणे मनपा – २२, नागपूर-२१, पिंपरी चिंचवड –१५, ठाणे मनपा-१२, कोल्हापूर- ८, अमरावती- ६, उस्मानाबाद-५, बुलढाणा आणि अकोला- प्रत्येकी ४, गोंदिया- ३, नंदुरबार, सातारा आणि गडचिरोली- प्रत्येकी २, औरंगाबाद, जालना, लातूर आणि मीरा भाईंदर-  प्रत्येकी १ इतके रूग्ण आढळून आले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-