कोरोना: बाधित रूग्ण संख्येची १ लाखाकडे वाटचाल ४०६७ घरी, ६८७५ नवे रूग्ण तर २१९ जणांचा मृत्यू

मुंबई: प्रतिनिधी
एकाबाजूला कोरोना विषाणूच्या प्रसारावर मोठ्या प्रमाणात नियंत्रण मिळवित असल्याचे सांगण्यात येत असले तरी प्रत्यक्षात जितक्या संख्येने रूग्ण घरी जात आहेत. त्यापेक्षा अधिकचे रूग्ण दररोज निदान होत आहेत. २४ तासात ४०६७ रूग्ण बरे होवून घरी गेले. मात्र ६८७५ नव्या रूग्णांचे निदान झाले असून २१९ जणांच्या मृत्यूची नोंद झाली आहे. परिस्थिती अशीच राहीली तर आज ९३ हजार ६५२ वर असलेली बाधितांची संख्या पुढील दोन दिवसात १ लाखावर पोहोचण्यास वेळ लागणार नाही.
राज्यात आजपर्यंत एकूण १,२७,२५९ करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण (Recovery Rate) ५५.१९% एवढे झाले आहे. राज्यात आज २१९ करोना बाधित रुग्णांच्या मृत्यूंची नोंद. सध्या राज्यातील मृत्यूदर ४.१९ % एवढा आहे. आजपर्यंत तपासण्यात आलेल्या १२,२२,४८७ प्रयोगशाळा नमुन्यांपैकी २,३०,५९९ (१८.८६ टक्के ) नमुने पॉझिटिव्ह आले आहेत. सध्या राज्यात ६,४९,२६३ व्यक्ती होमक्वारंटाईनमध्ये आहेत तर ४८,१९१ व्यक्ती संस्थात्मक क्वारंटाईनमध्ये असल्याचे आरोग्य मंत्री राजेश टोपे यांनी दिली.
जिल्हानिहाय दैंनदिन रूग्ण आणि मृतकांची संख्या

जिल्हानिहाय एकूण रूग्ण, बाधीत रूग्ण आणि मृतकांची संख्या