कोरोना: १ लाख ७ हजारापैकी ५० हजाराहून अधिक रूग्ण घरी आज पुन्हा ३ हजार ३९० रूग्णांचे निदान तर १२० जणांचा मृत्यू

मुंबई: प्रतिनिधी
राज्यात एकाबाजूला कोरोनाग्रस्त रूग्णांच्या संख्येत वाढ होत असून आज ३ हजार ३९० नव्या रूग्णांचे निदान तर १२० जणांचा मृत्यू झाला. मात्र दुसऱ्या बाजूला १६३२ रूग्ण बरे होवून घरी गेल्याने रूग्ण बरे होवून घरी जाणाऱ्यांची संख्या ५० हजार ९७८ वर पोहोचली असल्याने १ लाख ७ हजार ९५८ रूग्णांपैकी ५३ हजार रूग्ण हे अॅक्टीव्ह असून त्यांच्यावर उपचार सुरु असल्याची माहिती आरोग्य मंत्री राजेश टोपे यांनी दिली.
कोरोनाग्रस्त रूग्ण बरे होण्याचे प्रमाण वाढण्यास साधारणत: २१ एप्रिलपासून सुरुवात झाली. मात्र मे महिन्याच्या मध्यावर एकाच दिवशी १८ हजार रूग्ण बरे होवून त्यांना घरी सोडण्यात आले. तेव्हापासून कधी १ हजार तर कधी २००० रूग्ण बरे होत त्यांची संख्या ५० हजार ९७८ वर पोहोचल्याचे त्यांनी सांगितले.
याशिवाय राज्यातील एकूण मृतकांची संख्या ४ हजाराच्या घरात पोहोचली असून ही संख्या ३ हजार ९५० वर पोहोचली.
राज्यातील रुग्ण बरे होण्याचे प्रमाण ( Recovery Rate ) ४७.२ %एवढे आहे. राज्यातील मृत्यू दर – ३.६५ %. सध्या राज्यात ५,८७,५९६ लोक होमक्वारंटाईनमध्ये आहेत. राज्यात१५३५ संस्थात्मक क्वारंटाईन सुविधांमध्ये ७७,१८९ खाटा उपलब्ध असून सध्या २९,६४१लोक संस्थात्मक क्वारंटाईनमध्ये आहेत.
मृत्यू–राज्यात १२० करोना बाधित रुग्णांच्या मृत्यूची नोंद आज झाली आहे. आज नोंद झालेल्या मृत्यूंपैकी आरोग्यमंडळ निहाय मृत्यू खालील प्रमाणे आहेत –