राज्यातील ४० हजार रूग्णांपैकी ३३ हजार रूग्ण मुंबईसह ठाण्यात: कोठे किती रूग्ण वाढले ७ लाख ४२ हजार होम क्वारंटाईन मध्ये

मराठी ई-बातम्या टीम

राज्यात आज दिवसभरात मुंबई, ठाणेसह राज्यात ४० हजार ९२५ रूग्ण आढळून आले आहेत. यातील सर्वाधिक रूग्ण हे एकट्या मुंबईत असून मुंबईत २० हजार ९७१ रूग्ण आढळून आले तर ठाण्यातील ठाणे शहर-जिल्हा, मीरा भाईंदर, वसई विरार, उल्हासनगर, नवी मुंबई, भिवंडी-निझामपूर, पनवेल, रायगड, पालघर आदी ठिकाणी १३ हजार रूग्ण असे मिळून मुंबई ठाण्यात ३३ हजार २३५ रूग्ण तर उर्वरित महाराष्ट्रात ७ हजार रूग्णांची नोंद झाली आहे. तर राज्यात आज एकही ओमायक्रॉन बाधित रूग्ण आढळून आला नाही.

आज दिवसभरात २० रूग्णांचा मृत्यू झाला असून राज्यातील मृत्यूदर २.०७ टक्के इतका आहे. तर राज्याच्या दृष्टीने दिलासादायक म्हणजे १४ हजार ९२५ रूग्ण कोरोनातून बरे होवून घरी गेले आहेत. त्यामुळे राज्याचा रिकव्हरी रेट हा ९५.८ टक्के इतका आहे. आजपर्यंत तपासण्यात आलेल्या ७,०१,४६,३२९ प्रयोगशाळा नमुन्यांपैकी  ६८,३४,२२२ (९.७४  टक्के) नमुने पॉझिटिव्ह आले आहेत. तर सध्या राज्यात ७ लाख ४२ हजार ६८४ व्यक्ती होमक्वारंटाईनमध्ये असून १४६३ व्यक्ती संस्थात्मक क्वारंटाईनमध्ये असल्याची माहिती आरोग्य विभागाने दिली.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-