ईपीएस पेन्शनधारक जीवन प्रमाणपत्र कधी सादर करू शकतात? यासंबंधीचे नियम जाणून घ्या

कर्मचारी भविष्य निर्वाह निधी संघटनेचे देशभरात लाखो पेन्शनधारक आहेत. या पेन्शनधारकना वर्षातून एकदा त्यांचे जीवन प्रमाणपत्र सादर करावे लागते. ईपीएस (कर्मचारी पेन्शन योजना) चा लाभ १५,००० रुपयांपर्यंत पगार असलेल्या कर्मचाऱ्यांना उपलब्ध आहे. ही योजना विशेषतः अल्प उत्पन्न गटातील लोकांना सामाजिक सुरक्षा देण्यासाठी सुरू करण्यात आली आहे.

जीवन प्रमाणपत्र कधी सबमिट करू शकतात?

ईपीएफओच्या नियमांनुसार, ईपीएस सदस्य वर्षात कधीही त्यांचे जीवन प्रमाणपत्र सादर करू शकतात. उदाहरणार्थ, फेब्रुवारी २०२३ मध्ये सादर केलेले जीवन प्रमाणपत्र फेब्रुवारी २०२४ पर्यंत वैध राहते. तुम्ही देखील ईपीएस सदस्य असाल आणि तुमचे जीवन प्रमाणपत्र सादर करायचे असेल, तर तुम्ही आयपीपीबी (IPPB), भारतीय पोस्ट ऑफिस, पोस्टमन, उमंग अॅप, कॉमन सर्व्हिस सेंटर किंवा जवळच्या पोस्ट ऑफिसमध्ये जीवन प्रमाणपत्र सादर करू शकता.

या कागदपत्रांची आवश्यकता

– पीपीओ क्रमांक
– आधार क्रमांक
– बँक खाते तपशील
– आधारशी जोडलेला मोबाईल क्रमांक

जीवन प्रमाणपत्र ऑनलाइनही सबमिट करू शकता

तुम्ही आधार आणि बायोमेट्रिक्सद्वारे एक युनिक आयडी तयार करून तुमचे जीवन प्रमाणपत्र डिजिटल पद्धतीने सबमिट करू शकता. सर्वप्रथम आधारच्या मदतीने एक युनिक आयडी तयार करा. यानंतर तुम्ही कॉमन सर्व्हिस सेंटरद्वारे ऑनलाइन जीवन प्रमाणपत्र सादर करू शकता. यासाठी तुम्ही https://jeevanpramaan.gov.in या अधिकृत वेबसाइटवर जाऊन तुमचे जीवन प्रमाणपत्र सादर करू शकता.