ओलाची आंतरराष्ट्रीय स्तरावरील ऑस्ट्रेलिया, यूके आणि न्युझीलंडमधील सेवा बंद उद्योग विस्ताराच्या अनुषंगाने घेतला निर्णय

सॉफ्टबँकच्या वित्तीय सहाय्यावर Ola आंतरराष्ट्रीय बाजारपेठेत आपल्या सेवांचा विस्तार केल्यानंतर जवळजवळ सहा वर्षांनी, यूके, ऑस्ट्रेलिया आणि न्यूझीलंडमधील आपला विस्तार थांबवित आहे. कंपनी प्रारंभिक आयपीओ आणि घरगुती सेवांवर लक्ष केंद्रीत करू इच्छित असल्याची माहिती अशी माहिती ओलाच्या प्रवक्त्याने दिल्याचा टेकक्रंचने आपल्या वृत्तात म्हटले आहे.

कंपनीने १२ एप्रिलपासून ऑस्ट्रेलियामध्ये तिचे कामकाज बंद होणार असल्याची खातरजमा करून, कंपनीने वापरकर्त्यांना तिच्या सेवा बंद झाल्याबद्दलच्या सूचना पाठवण्यास सुरुवात केली आहे. ओलाची स्थापना भावीश अग्रवाल आणि अंकित भाटी यांनी २०११ मध्ये भारतात केली होती. कंपनीने सुरुवातीला २०१८ साली ऑस्ट्रेलिया आणि न्यूझीलंडमध्ये ऑपरेशन सुरू केले होते.

त्यावेळी ओला ही Uber चे थेट प्रतिस्पर्धी होते आणि सिडनी, मेलबर्न, ब्रिस्बेन, गोल्ड कोस्ट, पर्थ, ॲडलेड आणि कॅनबेरा येथील ग्राहकांसाठी या कंपनीने सेवा उपलब्ध केली होती.

Ola ने २०२० च्या उत्तरार्धात संपूर्ण ऑस्ट्रेलियामध्ये मोठ्या कर्मचाऱ्यांच्या कपातीसह आणि स्थानिक ड्रायव्हर कार्यालये बंद करून आपले ऑपरेशन कमी केले होते. २०२१ च्या मध्यापासून कोणतीही नवीन पोस्ट नसताना कंपनीने आपल्या ऑस्ट्रेलियन सोशल मीडिया खात्यांवर देखील मौन बाळगले आहे.

प्रवक्त्याने सांगितले की, सॉफ्टबँकच्या मदतीने राइड-हेलिंग स्टार्टअपला “भारतात विस्ताराची अफाट संधी” दिसत आहे, जिथे ते शेकडो शहरांमध्ये कार्यरत आहे आणि दुचाकीसह अनेक प्रकारच्या वाहतुकीचे पर्याय ऑफरही देता येणे शक्य आहे.

आगामी काळ पाहिला तर मोबिलिटीचे भविष्य इलेक्ट्रिक आहे – केवळ वैयक्तिक गतिशीलतेमध्येच नाही तर राइड-हेलिंग व्यवसायासाठी देखील आहे आणि भारतात विस्तारासाठी प्रचंड संधी आहे. या स्पष्ट फोकससह, आम्ही आमच्या प्राधान्यक्रमांचे पुनर्मूल्यांकन केले आहे आणि आमचा विदेशी राइड-हेलिंग व्यवसाय सध्याच्या स्वरूपात बंद करण्याचा निर्णय घेतला आहे, असेही एका प्रवक्त्याने सांगितले.

अलीकडील फंडिंग फेरीत $५.४ अब्ज मूल्य असलेले, Ola हे भारतातील सर्वात उच्च-प्रोफाइल स्टार्टअप्सपैकी एक आहे आणि टेमासेक, टायगर ग्लोबल आणि वॉरबर्ग पिंकस सारख्या प्रमुख कंपन्यांचा पाठिंबा आहे. स्टार्टअपने गेल्या वर्षी डिसेंबरमध्ये ड्राफ्ट रेड हेरिंग प्रॉस्पेक्टस (DRHP) दाखल केला होता जो सध्याच्या गुंतवणूकदारांद्वारे ९५.२ दशलक्ष शेअर्सच्या विक्री ऑफरशिवाय ताज्या इश्यूद्वारे ५,५०० कोटी रुपये उभारण्याचा विचार करत आहे.