संसद सुरक्षा भंग प्रश्नी सत्ताधारी निलंबनाचे सत्र सुरूचः आज २ जणांचे निलंबन

संसद सुरक्षा भंग प्रश्नी केंद्रातील पंतप्रधान नरेंद्र मोदी आणि केंद्रीय गृहमंत्री अमित शाह यांनी संसदेच्या राज्यसभा आणि लोकसभा सभागृहात निवेदन करण्याची मागणी आजही १४१ खासदारांच्या निलंबनानंतर राहिलेल्या विरोधी बाकावरील दोन खासदारांनी संसदेत केली. त्यावरून सीपीआय एम आणि केरळ काँग्रेसच्या दोघांना आज निलंबित केले.

लोकसभेतून काल संध्याकाळपर्यंत इंडिया आघाडीतील १४१ खासदारांना निलंबित केले होते. आज आणखी दोघांना निलंबित केल्याने संसदेतील निलंबित खासदारांची संख्या १४३ वर पोहोचली आहे. यामध्ये निलंबनाच्या कारवाईतून ९७ खासदार लोकसभेतील आहेत तर राज्यसभेतून ४६ खासदारांवर निलंबनाची कारवाई करण्यात आली.

कांग्रेस अध्यक्ष और राज्यसभा में नेता प्रतिपक्ष श्री @kharge के चेंबर में विपक्षी दलों की बैठक हुई।

संसद से विपक्ष के सांसदों को सस्पेंड कर दिया गया है। यह मोदी सरकार की लोकतंत्र विरोधी सोच दिखाता है।

हमारी यही मांग है कि गृह मंत्री को संसद सुरक्षा में हुई चूक के मुद्दे पर… pic.twitter.com/xpAMXwndnO

— Congress (@INCIndia) December 20, 2023

संसद सुरक्षा प्रश्न लोकसभेत केरळ काँग्रेसचे सी थॉमस आणि सीपीआयएमचे खासदार ए.एम.आरिफ यांनी उपस्थित करताच लोकसभा अध्यक्षांनी हक्कभंग समितीच्या शिफारसीनुसार या दोघांना निलंबित करण्यात येत असल्याचे जाहिर केले.

संसदेतील काँग्रेससह प्रमुख विरोधी पक्षांच्या इंडिया आघाडीकडून सातत्याने संसद सुरक्षा भंग प्रकरणी केंद्रीय गृहमंत्री अमित शाह यांनी निवेदन करण्यात यावे अशी मागणी सातत्याने करण्यात येत आहे. मात्र केंद्र सरकार विरोधकांच्या मागणीनुसार संसदेत कोणतेही भाष्य करण्याऐवजी संसदेतील सुरक्षेप्रश्नी सध्या तपासाचे काम सुरु आहे. हे तपासाचे काम पूर्ण झाल्यानंतर संसदेत निवेदन करण्याचे आश्वासन विरोधकांना दिल्याचे सांगण्यात येत आहे.

लोकतंत्र की हत्या नहीं चलेगी pic.twitter.com/3CDn0cHoBi

— Congress (@INCIndia) December 20, 2023