Earthquake : नेपाळमध्ये भूकंपामुळे ७० जणांचा मृत्यू, संख्या वाढण्याची भीती शुक्रवारी रात्री ११.३५ वाजता दिल्ली आणि एनसीआरमध्ये भूकंपाचे जोरदार धक्के जाणवले

नवी दिल्ली, ४ नोव्हेंबर : शेजारील देश नेपाळमध्ये काल रात्री उशिरा भूकंपाने मोठा हाहाकार माजवला ( Earthquake ). आतापर्यंत मिळालेल्या माहितीनुसार, किमान ७० जणांचा मृत्यू झाला आहे. मृतांचा आकडा खूप जास्त असू शकतो. पहाटे उजाडताच मदत आणि बचाव कार्य तीव्र करण्यात आले.

Earthquake causes massive devastation in Nepal, 129 people dead so far, many buildings also collapsed.#earthquake #NepalEarthquake #Nepal #bhukamp #EarthQuakeInDelhi #earthquakedelhi

The land of Nepal has once again been shaken by the devastation of earthquake. So far 129… pic.twitter.com/nfm6INfTEQ

— The UnderLine (@TheUnderLineIN) November 4, 2023

शुक्रवारी रात्री ११.३५ वाजता दिल्ली आणि एनसीआरमध्ये भूकंपाचे ( Earthquake ) जोरदार धक्के जाणवले. त्यानंतर नॅशनल सिस्मॉलॉजिकल सेंटरने माहिती दिली की त्याची तीव्रता रिश्टर स्केलवर ६.४ मोजली गेली आणि त्याचे केंद्र नेपाळपासून १० किलोमीटर खाली आढळले. तेव्हापासून नेपाळमध्ये मोठ्या प्रमाणात जीवित आणि मालमत्तेची हानी होण्याची भीती होती. सकाळपर्यंत नेपाळमधील सूत्रांनी सांगितले की, काल रात्रीच्या भूकंपामुळे किमान ७० जणांना आपला जीव गमवावा लागला आहे. यापैकी रुकुम पश्चिम जिल्ह्यात ३६ आणि जाजरकोटमध्ये ३४ जणांचा मृत्यू झाल्याची पुष्टी झाली आहे. रुकुमचे जिल्हा दंडाधिकारी हरी प्रसाद पंत यांनी 36 जणांच्या मृत्यूची पुष्टी केली आणि हा आकडा यापेक्षा जास्त असू शकतो असे सांगितले. सध्या केवळ सुलभ भागातच मदत आणि बचावकार्य सुरू करण्यात आले आहे. सकाळ सुरू झाल्याने दुर्गम भागातही मदतकार्याला वेग आला आहे. त्यानंतरच मृतांचा आणि नुकसानीचा नेमका आकडा सांगता येईल.