एकेकाळचे राज्याचे भाजपाचे नेते तथा माजी महसूल मंत्री आणि आताचे राष्ट्रवादीचे नेते एकनाथ खडसे यांना काही दिवसांपूर्वी छातीत त्रास सुरु झाल्याची माहिती वाऱ्यासारखी पसरली. विशेष म्हणजे नेमक्या त्याचवेळी राज्याचे मुख्यमंत्री एकनाथ शिंदे यांनी तातडीने खडसेंना पुढील उपचारासाठी मुंबईत आणण्यासाठी एअर अॅब्युलन्स उपलब्ध करून दिली. त्याबद्दल राष्ट्रवादी काँग्रेसचे ज्येष्ठ आमदार एकनाथ खडसे यांनी मुख्यमंत्री शिंदे यांचे दूरध्वनी आणि ट्विटच्या माध्यमातून आभार मानले.
राष्ट्रवादी काँग्रेसचे ज्येष्ठ नेते एकनाथ खडसे यांना छातीचा त्रास सुरु झाल्याचे वृत्त वाऱ्यासारखे पसरले. नेमके त्याच कालावधीत मुख्यमंत्री एकनाथ शिंदे हे सुट्टीसाठी त्यांच्या सातारा जिल्ह्यातील दुर्गम भाग असलेल्या तापोळा या गावी होते. एकनाथ खडसे यांना होत असलेल्या त्रासाची माहिती तातडीने समजताच तेथूनच एअर अॅम्ब्युलन्स उपलब्ध करून देत त्यांच्यावर पुढील उपचारासाठी मुंबईला आणण्याची व्यवस्थाही केली.
आता एकनाथ खडसे यांनी त्यांच्या तब्येतीला आराम मिळाल्यानंतर एकनाथ खडसे यांनी दिवाळीचे निमित्त साधत फोनवरून केलेल्या मदतीबद्दल मुख्यमंत्री एकनाथ शिंदे यांचे आभार मानले. तसेच दिवाळी निमित्त शुभेच्छाही दिल्या.
मला त्रास झाल्यावर मा. मुख्यमंत्री श्री. एकनाथजी शिंदे @mieknathshinde यांनी एअर ॲम्बुलन्स उपलब्ध करुन दिली होती. त्यामुळे मला पुढील उपचारासाठी मुंबईला येणे सोयीचे झाले.
याबद्दल आज मा. मुख्यमंत्र्यांशी दूरध्वनीवरुन चर्चा करुन त्यांनी केलेल्या मदतीबद्दल आभार मानले.…— Eknath Khadse (@EknathGKhadse) November 11, 2023