मुंबई : प्रतिनिधी
मागील दोन वर्षापासून रिक्त असलेल्या मुंबई काँग्रेसला अध्यक्ष मिळाला असून मुंबई अध्यक्षपदी अशोक भाई जगताप यांची निवड करण्यात आली आहे. तर कार्यकारी अध्यक्ष पदी चरणजीत सप्रा यांची निवड करण्यात आली आहे. तर प्रचार समितीच्या प्रमुख पदी मो.आरीफ नसीम खान यांची निवड करण्यात आल्याचे एका प्रसिध्दी पत्रकान्वये जाहीर करण्यात आले आहे.
मुंबई अध्यक्षपदाच्या शर्यतीत असलेल्या सुरेश शेट्टी यांच्याकडे जाहिरनामा आणि प्रकाशन समितीचे प्रमुख पद सोपविण्यात आली नाही. मात्र डॉ.अमरजितसिंह मनहास यांच्याकडे समन्वय समितीचे प्रमुख पद सोपविण्यात आले आहे. तर चंद्रकांत हंडोरे यांच्याकडे महाराष्ट्र प्रदेश काँग्रेससाठी मुंबई प्रदेश काँग्रेसच्या इन्चार्ज पदी नियुक्ती करण्यात आली आहे. सदस्य पदी माजी खासदार प्रिया दत्त, आमदार अमिन पटेल, जेनेट डिसूझा, उपेंद्र जोशी यांची नियुक्ती करण्यात आली आहे.