मुंबई : विशेष प्रतिनिधी
बीडची तरूणी पूजा चव्हाण हिच्या आत्महत्याप्रकरणी मंत्री संजय राठोड यांचा संबध असल्याचे स्पष्ट होत आहे. त्यासंदर्भातील उपलब्ध पुरावे ही त्यांच्याशी जोडले जात असल्याने मंत्री राठोड यांच्या मुसक्या आवळायला वाट का बघताय? असा सवाल भाजपाच्या प्रदेश उपाध्यक्ष चित्रा वाघ यांनी मुख्यमंत्री उध्दव ठाकरे यांना आव्हान दिले.
काही दिवसांपूर्वी पुणे येथे बीडची तरूणी पूजा चव्हाण हिने एका इमारतीच्या तिसऱ्या मजल्यावरून उडी मारून आत्महत्या केली. त्यानंतर एक ऑडिओ क्लिप व्हायरल झाली. एक व्यक्ती संबधित व्यक्तीला मोबाईल काढून घे सारख्या सूचना देत होता. त्यातील आवाजावरून सदरचा व्यक्ती हा महाविकास आघाडीतील मंत्री असल्याचे संकेत मिळत होते. तसेच सदर तरूणी आणि तिच्या कुटुंबियासोबत या मंत्र्याचे फोटो देखील समाजमाध्यमात व्हायरल झाल्याने मंत्र्याशी संबधित ती तरूणी असल्याचे स्पष्ट झाले.
सदर प्रकरणी पोलिसांनी गुन्हा दाखल करून चौकशी करण्याची गरज असताना अशी कोणतीही गोष्ट झाली नाही. अखेर प्रकरण काही समाजमाध्यमातून उघडकीस आल्यानंतर भाजपाने याप्रकरणी मंत्र्यावर कारवाई करण्याची मागणी केली.
त्यापार्श्वभूमीवर भाजपाच्या प्रदेश उपाध्यक्ष चित्रा वाघ यांच्यावर सदोष मनुष्यवधाचा गुन्हा दाखल करण्याची मागणी करत पुरावे असल्याने मंत्री संजय राठोड यांच्या मुसक्या आवळण्याचे आव्हान दिले. (बातमीसाठी वापरण्यात आलेला फोटो हा पूजा चव्हाण हिच्या कुटुंबियासोबतचा असल्याबाबत मराठी ई-बातम्या.कॉम संकेतस्थळाने कोणतीही तपासणी केलेली नाही. तसेच हा फोटो सोशल मिडियावर व्हायरल झालेला आहे.)
पुजा चव्हाण घटनेत समोर आलेले
सगळे updates पहाता याचा थेट रोख शिवसेना मंत्री संजय राठोडांकडे
जातोपोलिसांनी स्यु-मोटोतंर्गत तक्रार दाखल करत मंत्री संजय राठोड वर सदोष मनुष्यवधाचा गुन्हा दाखल करावा
मुख्यमंत्री जी एव्हढे पुरावे असतांनाही मुसक्या आवळायच्या सोडून कसली वाट पहाताय pic.twitter.com/2QA8KAZkW5
— Chitra Kishor Wagh (Modi ka Parivar) (@ChitraKWagh) February 12, 2021