Breaking News

१ नोव्हेंबरपासून बदलणार अनेक नियम, जाणून घ्या कोणते असतील बदल व्हॉट्सअॅप होणार यावर फोनवर बंद

मुंबई: प्रतिनिधी

देशभरात १ नोव्हेंबरपासून अनेक बदल होणार आहेत. पुढील महिन्यापासून काही आयफोन आणि अँड्रॉइड फोनमध्ये व्हॉट्सअॅप काम करणार नाही. याशिवाय १ नोव्हेंबरपासून SBI ग्राहकांना व्हिडिओ कॉलद्वारे जीवीत असल्याचे प्रमाणपत्र सादर करण्याची सुविधाही मिळणार आहे. याशिवाय १ नोव्हेंबरपासून अनेक बदल होणार आहेत.

गॅस सिलिंडर महाग होऊ शकतो

एलपीजी सिलिंडरची नवीन किंमत दर महिन्याच्या पहिल्या दिवशी जाहीर केली जाते. त्यामुळे एलपीजीच्या किमती वाढण्याची शक्यता व्यक्त केली जात आहे. एलपीजीच्या विक्रीतील तोटा पाहता सरकार पुन्हा एकदा एलपीजी सिलिंडरच्या किमती वाढवू शकते.

whatsapp बंद होईल

१ नोव्हेंबरपासून व्हॉट्सअॅप काही आयफोन आणि अँड्रॉईड फोनवर बंद होणार आहे. WhatsApp वर दिलेल्या माहितीनुसार, १ नोव्हेंबरपासून WhatsApp Android 4.0.3 Ice Cream Sandwich, iOS 9 आणि KaiOS 2.5.0 ला सपोर्ट करणार नाही. ज्या स्मार्टफोनवर ते सपोर्ट करणार नाहीत त्यात Samsung, ZTE, Huawei, Sony आणि Alcatel इत्यादींचा समावेश आहे.

व्हिडिओ कॉलद्वारे जीवन प्रमाणपत्र

स्टेट बँक ऑफ इंडिया (SBI) १ नोव्हेंबरपासून नवीन सुविधा सुरू करणार आहे. आता पेन्शनधारकांना त्यांचे जीवन प्रमाणपत्र घरी बसून व्हिडिओ कॉलद्वारे सादर करता येणार आहे. पेन्शनधारक जिवंत असल्याचा पुरावा म्हणजे जीवन प्रमाणपत्र. पेन्शन सुरू ठेवण्यासाठी, पेन्शन येते त्या बँक, पोस्ट ऑफिस किंवा वित्तीय संस्थेत दरवर्षी ते जमा करावे लागते.

बँकिंगचे नियम बदलतील

आता बँकांमध्ये पैसे जमा करण्यासाठी आणि काढण्यासाठी शुल्क भरावे लागणार आहे. बँक ऑफ बडोदा (BoB) ने याची सुरुवात केली आहे. पुढील महिन्यापासून विहित मर्यादेपेक्षा जास्त व्यवहार केल्यास वेगळे शुल्क आकारले जाईल. १ नोव्हेंबरपासून ग्राहकांना कर्ज खात्यासाठी १५० रुपये भरावे लागणार आहेत. खातेदारांसाठी तीन वेळा पैसे जमा करणे विनामूल्य असेल, परंतु जर ग्राहकांनी चौथ्यांदा पैसे जमा केले तर त्यांना ४० रुपये द्यावे लागतील. दुसरीकडे, जन धन खातेधारकांना यात काहीसा दिलासा मिळाला आहे. त्यांना डिपॉझिटवर कोणतेही शुल्क भरावे लागणार नाही, परंतु पैसे काढल्यावर १०० रुपये द्यावे लागतील.

रेल्वेचे वेळापत्रक बदलेल

रेल्वे देशभरातील गाड्यांच्या वेळापत्रकात बदल करणार आहे. १ ऑक्टोबरपासून वेळापत्रकात बदल होणार होता. मात्र ३१ ऑक्टोबरपर्यंत हा निर्णय पुढे ढकलण्यात आला. आता १ नोव्हेंबरपासून नवीन वेळापत्रक लागू होणार आहे. यानंतर, १३ हजार पॅसेंजर गाड्या आणि ७ हजार मालगाड्यांच्या वेळा बदलतील. ३० राजधानी गाड्यांच्या वेळाही १ नोव्हेंबरपासून बदलणार आहेत.

सिलेंडर बुकिंगसाठी  OTP

एलपीजी सिलेंडर डिलिव्हरीची प्रक्रिया १ नोव्हेंबरपासून बदलणार आहे. गॅस बुक केल्यानंतर ग्राहकांच्या मोबाईल नंबरवर एक ओटीपी पाठवला जाईल. जेव्हा सिलेंडर डिलिव्हरीसाठी येतो तेव्हा तुम्हाला हा ओटीपी डिलिव्हरी बॉयसोबत शेअर करावा लागेल. हा कोड सिस्टीमशी जुळल्यानंतर ग्राहकाला सिलेंडरची डिलिव्हरी मिळेल.

Check Also

स्टार हेल्थचा आयपीओ ३० नोव्हेंबरला खुला, प्रती शेअर ‘इतकी’ असेल किंमत ८७० ते ९०० राहणार किंमत

मुंबईः प्रतिनिधी स्टार हेल्थ अँड अलाईड इन्शुरन्स कंपनीचा आयपीओ ३० नोव्हेंबर रोजी उघडणार असून तो …

Leave a Reply

Your email address will not be published. Required fields are marked *