कोरोना : निर्बंध जाहिर केलेल्या जिल्ह्यांमध्ये बाधितांच्या संख्येत वाढ ६ हजार ११२ नवे बाधित, २ हजार १५९ बरे झाले तर ४४ मृतकांची नोंद

मुंबई : प्रतिनिधी

कोरोनाच्या वाढत्या प्रादुर्भावाला रोखण्यासाठी राज्य सरकार आणि स्थानिक प्रशासनाने मुंबईसह मराठवाडा, उत्तर महाराष्ट्र, विदर्भातील बहुतांश जिल्ह्यात टप्प्यानुसार संचार बंदी लागू करत काही प्रमाणात निर्बंध घालण्याचा निर्णय घेतला. निर्बंध घातलेल्या पहिल्याच दिवशी नाशिक मंडळ, औरंगाबाद, पुणे, नागपूर, लातूर आदी मंडळात कोरोना बाधित रूग्णांच्या संख्येत चांगलीच वाढ झाल्याचे दिसून येत आहे.

एकट्या मुंबई शहरात ८०० हून अधिक रूग्ण आढळून आले तर महानगर प्रदेशातील भागातील मिळून १४५३ रूग्ण आढळून आले. नाशिक मंडळातील नाशिकसह ५ जिल्ह्यात ६८९. पुणे मंडळातील ४ जिल्ह्यात ११६५, औरंगाबाद मंडळातील ४ जिल्ह्यात २४३, अकोला मंडळातील ५ जिल्ह्यात १४००, नागपूर मंडळातील ६ जिल्ह्यात ९२१ इतके रूग्ण आढळून आली आहे. तुलनेत या मंडळाच्या तुलनेत कोल्हापूर मंडळातील ४ जिल्ह्यात ७१ तर लातूर मंडळातील सर्व जिल्ह्यात मिळून १७० रूग्ण आढळून आले आहेत. याप्रमाणे राज्यात एकूण ६ हजार ११२ एकूण बाधित मागील २४ तासात आढळल्याने अॅक्टीव्ह रूग्णांची संख्या ४४ हजार ७६५ वर पोहोचली आहे.

तर मागील २४ तासात २,१५९ रुग्ण बरे झाल्याने राज्यात आजपर्यंत एकूण १९ लाख ८९ हजार ९६३ घरी गेले. यामुळे राज्यातील रुग्ण बरे होण्याचे प्रमाण (Recovery Rate) ९५.३२% एवढे झाले आहे. राज्यात आज ४४ करोना बाधित रुग्णांच्या मृत्यूंची नोंद .सध्या राज्यातील मृत्यूदर २.४८ % एवढा आहे. आजपर्यंत तपासण्यात आलेल्या १,५५,८८,३२४ प्रयोगशाळा नमुन्यांपैकी २०,८७,६३२ (१३.३९ टक्के ) नमुने पॉझिटिव्ह आले आहेत. सध्या राज्यात २,२४,०८७ व्यक्ती होमक्वारंटाईनमध्ये आहेत तर १,५८८ व्यक्ती संस्थात्मक क्वारंटाईनमध्ये आहेत.

राज्यातील जिल्हा आणि मनपानिहाय रुग्णांचा तपशील पुढीलप्रमाणे-

आज नोंद झालेल्या एकूण ४४ मृत्यूंपैकी १९ मृत्यू हे मागील ४८ तासातील तर १० मृत्यू हे मागील आठवडयातील आहेत. उर्वरित १५ मृत्यू हे एक आठवडयापेक्षा अधिक कालावधीपूर्वीचे आहेत. हे १५ मृत्यू नागपूर -६, औरंगाबाद -२, ठाणे -२, अकोला -१, लातूर -१, उस्मानाबाद -१, नाशिक -१ आणि वर्धा -१ असे आहेत.