कोरोना: kdmc मध्ये आजही वाढ तर राज्यातील अॅक्टीव्ह रूग्ण ६० हजारावर १०१ रूग्णांचा मृत्यू तर मुंबई पोहोचली ३० हजारावर

मुंबई: प्रतिनिधी
राज्यातील कोरोनाग्रस्त रूग्णांच्या संख्येवर नियंत्रण मिळविण्यासाठी राज्य सरकारने आपल्या उपचार पध्दती आणि संख्या मोजण्याच्या पध्दतीत बदल केला. त्यानुसार सुरुवातीला घरी जाणाऱ्यांची संख्या, मृतक आदींची संख्या वगळण्यास सुरुवात केली. त्यामुळे रूग्ण संख्येत घट झाल्याचे दिसायला लागले. मात्र पुन्हा आता अॅक्टीव्ह रूग्णांच्या संख्येत वाढ होताना दिसत असून ३८७० अधिक २६९=४११३ इतक्या रूग्णांचे निदान आज झाले. तर १०१ रूग्णांच्या मृत्यूची नोंद झाली असून राज्यातील एकूण अॅक्टीव्ह रूग्णांची संख्या ६० हजारावर पोहोचली. तर मुंबईतील रूग्णांची संख्या ३० हजाराच्या घरात पोहोचली आहे. तसेच कल्याण-डोंबिवली महानगरपालिका हद्दीत २५४ रूग्णांचे निदान मागील २४ तासात झाले.
राज्यात आतापर्यंत ६ हजाराहून अधिक रूग्णांचा मृत्यू झाला असून मुंबई आणि महानगरात ४५६८ इतक्या रूग्णांचा मृत्यू झाला आहे. राज्यातील रुग्ण बरे होण्याचे प्रमाण ( Recovery Rate ) – ४९.७८ % एवढे आहे. राज्यातील मृत्यूदर – ४.६७ %. सध्या राज्यात ६,००,०६६ लोक होमक्वारंटाईनमध्ये आहेत तर २६,२८७ लोक संस्थात्मक क्वारंटाईनमध्ये आहेत.
मृत्यू -राज्यात १७० करोना बाधित रुग्णांच्या मृत्यूची नोंद आज झाली आहे. त्यापैकी ६९ मृत्यू हे वर नमूद केल्याप्रमाणे मागील कालावधीतील आहेत .उर्वरित १०१ मृत्यूंपैकी आरोग्यमंडळ निहाय मृत्यू खालील प्रमाणे आहेत.