१५ हजार नवे बाधित तर ३५ हजार बरे होवून घरी गेले: ९१ ओमायक्रॉन रूग्ण ३९ बाधितांचा मृत्यू

मराठी ई-बातम्या टीम

मागील आठवडाभरापासून कोरोनाबाधित रूग्ण आढळून येण्याच्या संख्येत सातत्याने घट येत असून आज मुंबईसह राज्यातील कोरोनाबाधितांच्या संख्येत चांगलीच घट झाल्याचे दिसून येत आहे. मुंबईसह राज्यात १५ हजार १४० रूग्ण आढळून आले आहेत. तर  ३५,४५३ रुग्ण बरे होऊन घरी गेल्याने राज्यातील रुग्ण बरे होण्याचे प्रमाण (Recovery Rate) ९५.४२% एवढे झाले आहे. त्याचबरोबर राज्यात आज ३९ करोना बाधित रुग्णांच्या मृत्यूंची नोंद झाल्याने राज्यातील मृत्यूदर १.८५% एवढा आहे.

आजपर्यंत तपासण्यात आलेल्या ७ कोटी ४६ लाख २९ हजार ४४९ प्रयोगशाळा नमुन्यांपैकी ७७ लाख २१ हजार १०९ (१०.३५ टक्के) नमुने पॉझिटिव्ह आले आहेत. तसेच सध्या राज्यात ११,७४,८२५ व्यक्ती होम क्वारंटाईनमध्ये आहेत तर २,७९८ व्यक्ती संस्थात्मक क्वारंटाईनमध्ये असल्याची माहिती आरोग्य विभागाने दिली.

ओमायक्रॉन सर्वेक्षण विषयक माहिती –

आज राज्यात ९१ ओमायक्रॉन संसर्ग असणारे रुग्ण रिपोर्ट झाले आहेत. हे सर्व रुग्ण राष्ट्रीय विषाणू विज्ञान संस्थेने रिपोर्ट केले आहेत. ओमायक्रॉनबाधित रूग्ण नागपूर -१८, औरंगाबाद, रायगड आणि नवी मुंबई मनपा- प्रत्येकी ११, मुंबई आणि ठाणे मनपा – प्रत्येकी ८, सिंधुदुर्ग आणि सातारा- प्रत्येकी ५, अमरावती, पिंपरी चिंचवड मनपा आणि पुणे मनपा- प्रत्येकी ४, यवतमाळ आणि पुणे ग्रामीण- प्रत्येकी १ असे रूग्ण आढळून आले आहेत.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-