कोरोना: गतवर्षीपेक्षा सर्वाधिक संख्या मुंबई आणि राज्यातही ३० हजार ५३५ नवे बाधित, ११ हजार ३१४ बरे झाले तर ९९ मृतकांची नोंद

मुंबई: प्रतिनिधी

साधारणत: गेल्यावर्षी लॉकडाऊन लागू केल्यानंतर मार्च -एप्रिल २०२० या दोन महिन्यात १५ ते २५ हजाराच्या दरम्यान कोरोनाबाधितांची संख्या दैंनदिन आढळून येत होती. मात्र मागील तीन दिवसांमध्ये २५ हजारापार आढळून आलेल्या कोरोना बाधितांच्या संख्येत सातत्याने वाढ होत आहे. काल २७ हजार बाधितांची संख्या आढळून आल्यानंतर आज त्यात एकदम ३ हजार ५०० ची वाढ झाली आहे. तर गतवर्षीच्या तुलनेत मुंबईत साधारणत: १ ते २ हजाराच्या दरम्यान असणारी संख्या आता ३५०० हून अधिक झाली आहे.

तसेच मुंबई शहरात ३ हजार ७७९ इतके बाधित नोंदविले गेले आहेत. मुंबई महानगर प्रदेशात मुंबई शहरानंतर ठाणेमध्ये ९००हून अधिक, नवी मुंबईत ४०० हून अधिक, कल्याण-डोंबिवलीत ७०० हून अधिक, तर पनवेल मध्ये २०० हून अधिक बाधितांची संख्या आढळून आली आहे. तर राज्यात नाशिकमध्ये १५०० हून अधिक, जळगांवात १००० हून अधिक, पुणे येथे ४०००, सोलापूरात ४०० हून अधिक, औरंगाबादेत १७०० हून अधिक, नांदेडमध्ये १२०० हून अधिक तर नागपूरात ३५०० हून अधिक बाधित आज आढळून आले असून एकूण राज्यात ३० हजार ५३५ बाधित आढळल्याने एकूण अॅक्टीव्ह रूग्णांची संख्या २ लाख १० हजार १२० इतकी झाली. तर आज ११,३१४ रुग्ण बरे होऊन घरी गेल्याने राज्यात आजपर्यंत एकूण २२ लाख १४ हजार ८६७  करोना बाधित रुग्ण बरे होऊन घरी.  यामुळे राज्यातील रुग्ण बरे होण्याचे प्रमाण (Recovery Rate) ८९.३२ % एवढे झाले आहे.

राज्यात आज ९९ करोना बाधित रुग्णांच्या मृत्यूंची नोंद .सध्या राज्यातील मृत्यूदर २.१५ % एवढा आहे. आजपर्यंत तपासण्यात आलेल्या १,८३,५६,२०० प्रयोगशाळा नमुन्यांपैकी २४,७९,६८२ (१३.५१ टक्के ) नमुने पॉझिटिव्ह आले आहेत. सध्या राज्यात ९,६९,८६७ व्यक्ती होमक्वारंटाईनमध्ये आहेत तर ९,६०१ व्यक्ती संस्थात्मक क्वारंटाईनमध्ये असल्याची माहिती आरोग्य मंत्री राजेश टोपे यांनी दिली.

राज्यातील जिल्हा आणि मनपानिहाय रुग्णांचा तपशील पुढीलप्रमाणे-

आज नोंद झालेल्या एकूण ९९ मृत्यूंपैकी ४४ मृत्यू हे मागील ४८ तासातील तर २३ मृत्यू हे मागील आठवडयातील आहेत. उर्वरित ३२ मृत्यू हे एक आठवडयापेक्षा अधिक कालावधीपूर्वीचे आहेत. हे ३२ मृत्यू पुणे-१८, नागपूर-४, अकोला-३, जळगाव-२, औरंगाबाद-१, रायगड-१, सातारा-१, ठाणे-१, आणि रत्नागिरी-१ असे आहेत.