कोरोना: अबब…६० हजार; बाधित रूग्ण पोहोचले ५ लाखावर ५९ हजार ९०७ नवे बाधित, ३० हजार २९६ बरे झाले तर ३२२ मृतकांची नोंद

मुंबई: प्रतिनिधी

दोन-तीन दिवसाच्या अंतरानंतर राज्यात आज सर्वाधिक ५९ हजार ९०७ इतके बाधित रूग्ण आढळून आले आहेत. यापूर्वी राज्यातील बाधितांच्या संख्येने ५७ हजार रूग्णांची नोंद झाली होती. त्यानंतर इतक्या मोठ्या प्रमाणात रूग्ण आढळून आले आहेत. राज्यातील सर्वाधिक रूग्ण मुंबई महानगरातील ११ महानगरपालिका आणि पुणे शहर व ग्रामीण, नाशिक, नागपूर शहर व ग्रामीण मध्ये सर्वाधिक नोंदविण्यात आली आहे. मात्र मुंबईत मागील काही दिवसांपासून १० हजार रूग्ण आढळून येत असून त्याहून अधिकचे रूग्ण आढळून येत नसल्याचे दिसून येत आहे.

मागील २४ तासात ३० हजार २९६ रुग्ण बरे झाल्याने राज्यात आजपर्यंत एकूण २६ लाख १३ हजार ६२७ रुग्ण बरे होऊन घरी गेले. यामुळे राज्यातील रुग्ण बरे होण्याचे प्रमाण (Recovery Rate) ८२.३६% एवढे झाले आहे. तर दिवसभरात राज्यात ५९ हजार ९०७  नवीन रुग्णांचे निदान झाल्याने एकूण बाधितांची संख्या ५ लाख १ हजार ५५९ वर पोहोचल्याची माहिती राज्याचे आरोग्य मंत्री राजेश टोपे यांनी दिली.

राज्यात आज ३२२ करोना बाधित रुग्णांच्या मृत्यूंची नोंद .सध्या राज्यातील मृत्यूदर १.७९% एवढा आहे. आजपर्यंत तपासण्यात आलेल्या २ लाख ११ लाख ४८ हजार ७३६ प्रयोगशाळा नमुन्यांपैकी ३१ लाख ७३ हजार २६१ (१५.०० टक्के) नमुने पॉझिटिव्ह आले आहेत. सध्या राज्यात २५ लाख ७८ हजार ५३० व्यक्ती होमक्वारंटाईनमध्ये आहेत तर २१,२१२ व्यक्ती संस्थात्मक क्वारंटाईनमध्ये असल्याचे त्यांनी सांगितले.  जिल्हानिहाय रूग्णांचा तक्ता खालीलप्रमाणे

राज्यातील जिल्हा आणि मनपानिहाय रुग्णांचा तपशील पुढीलप्रमाणे-

आज नोंद झालेल्या एकूण ३२२ मृत्यूंपैकी १२८ मृत्यू हे मागील ४८ तासातील तर ११९ मृत्यू हे मागील आठवडयातील आहेत. उर्वरित ७५ मृत्यू हे एक आठवडयापेक्षा अधिक कालावधीपूर्वीचे आहेत. हे ७५ मृत्यू, नागपूर-२१, पालघर-१५, सोलापूर-९,  जळगाव-७, जालना-४, पुणे-४, बुलढाणा-३, यवतमाळ-३, अकोला-२, नांदेड-२, ठाणे-२, गडचिरोली-१, गोंदिया-१ आणि रायगड-१ असे आहेत.