Breaking News

वाराणसी न्यायालयाचा निर्णयः ग्यानवापी मस्जिदीतील तळघरात हिंदू पुजेला परवानगी

जवळपास दोन वर्षाहून अधिक काळ उत्तर प्रदेशातील वाराणसी येथील ग्यानवापी मस्जिदीच्या जागी पूर्वी हिंदू देवस्थान होते या मागणीवरून सध्या न्यायालयीन लढाईत काही हिंदू देवस्थानची बाजू सक्षम ठरत आहे. त्यातच भारतीय पुरातत्व खात्याने केलेल्या सर्व्हेक्षणात मस्जिदीच्या तळघरात पूर्वी हिंदू धर्मियांचे मंदिर असल्याचे पुरावे पुढे आल्याने या तळघरात हिंदू पध्दतीने पुजा-अर्चा करण्याची परवानगी वाराणसी जिल्हा न्यायालयाने आज दिली.

वाराणसी येथील मंदिराच्या जागेवर मस्जिद उभारण्यात आल्याचा आरोप जमिनीच्या मालकांच्या वारसांनी केला होता. तसेच मुळ जमिनीवर मंदिरच उभारण्यात आल्याचे सिध्द करण्यासाठी भारतीय पुरातत्व खात्याने संशोधन करावे अशी मागणीही करण्यात आली होती. त्यानुसार संशोधन केले असता मस्जिदीच्या खाली असलेल्या तळघरात हिंदू देवस्थानमध्ये असलेली काही प्रतिकात्मक चिन्हे भींवर चितारण्यात आल्याचे उघडकीस आले. यासंदर्भातील माहिती भारतीय पुरातत्व खात्याने केलेल्या संशोधनात पुढे आल्याने अखेर त्या तळघरात हिंदू पध्दतीने पूजा-अर्जा करण्याचे आदेश स्थानिक प्रशासनाला देत सात दिवसाच्या आत तळघरात जाऊन पुजा करण्यासंदर्भात सुविधा निर्माण कराव्यात असा आदेशही वाराणसी जिल्हा न्यायालयाने दिले.

त्याचबरोबर वाराणसी जिल्हा न्यायालयाने मस्जिदीच्या जागेत असलेला तळघराचा आणि दक्षिण बाजूकडील जागेचा ताबा घेण्याचे आदेश १७ आणि २७ जानेवारी रोजी स्थानिक जिल्हाधिकाऱ्यांना यापूर्वीच दिले होते. त्यानुसार हिंदूधर्माशी संबधित पुरावे पुढे आल्यानंतर पुढील सात दिवसाच्या आत जिल्हाधिकारी कार्यालने हिंदूच्या पुजे-अर्चेच्या अनुषंगाने योग्य ती तरजविज करावी असे आदेश देत ही याचिका निकाली काढली.

निबंध स्पर्धेला १५ मार्च २०२३ पर्यंत मुदतवाढ

Check Also

भारत, बिहारमधील माहितीमुळे अस्वस्थ झाला देशाने जातीय विषमतेवर मौन धारण

आधी आमचा एक्स-रे होता, आता आमचा एमआरआय आहे. बिहारमधील जात ‘जनगणने’ डेटाच्या पहिल्या फेरीने जाती …

Leave a Reply

Your email address will not be published. Required fields are marked *