कोरोना : अकोला, अमरावती वाढ कायम तर राज्यात बाधित-मृतकांमध्ये घट ५ हजार २१० नवे बाधित, तर ५ हजार ३५ बरे झाले तरी १८ मृतकांची नोंद

मुंबई: प्रतिनिधी

राज्यात काल ७ हजाराच्या घरात रूग्ण आढळून आल्यानंतर आज तब्बल ३ हजार रूग्णांच्या संख्येत घट झाली आहे. तर विदर्भातील अकोला आणि अमरावती मंडळात आणि पुणे-पिंपरी चिंचवडमध्ये मात्र कोरोना बाधितांच्या संख्येत वाढच नोंदविण्यात आली आहे. अकोल्यात २०० हून अधिक, तर अमरावतीमध्ये ६०० हून अधिक तर बुलढाण्यात १०० हून अधिक तर नागपूरातही ७ हून अधिक रूग्ण आढळून आले आहेत. पुणे –पिंपरी चिंचवडमध्ये ७०० च्या जवळपास बोधित रूग्ण आढळून आले आहेत. तर नाशिकमध्ये कालच्या तुलनेत आज बाधित कमी आढळून आले. मुंबईत मात्र कालच्या तुलनेत २०० रूग्ण कमी नोंदविण्यात आले आहे.

मागील २४ तासात ५,०३५ रुग्ण बरे झाल्याने राज्यात आजपर्यंत १९ लाख ९९ हजार ९८२ इतके रुग्ण बरे होऊन घरी गेल्याने राज्यातील रुग्ण बरे होण्याचे प्रमाण (Recovery Rate) ९४.९६% एवढे झाले आहे. तर आज राज्यात ५,२१०  नवीन रुग्णांचे निदान झाल्याने अॅक्टीव्ह रूग्णांची संख्या ५३ हजार ११३ इतकी नोंदविण्यात आली आहे. तर आतापर्यतचे सर्वात कमी अर्थात १८ मृतकांची नोंद राज्यात झाली असून सध्या राज्यातील मृत्यूदर २.४६ % एवढा असल्याची माहिती आरोग्य मंत्री राजेश टोपे यांनी दिली.

आजपर्यंत तपासण्यात आलेल्या १,५७,९३,४२४ प्रयोगशाळा नमुन्यांपैकी २१,०६,०९४ (१३.३४ टक्के ) नमुने पॉझिटिव्ह आले आहेत. सध्या राज्यात २,२४,०५४ व्यक्ती होमक्वारंटाईनमध्ये आहेत तर १,८९१ व्यक्ती संस्थात्मक क्वारंटाईनमध्ये असल्याचेही त्यांनी सांगितले.

राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-

आज नोंद झालेल्या एकूण १८ मृत्यूंपैकी ६ मृत्यू हे मागील ४८ तासातील तर ९ मृत्यू हे मागील आठवडयातील आहेत. उर्वरित ३ मृत्यू हे एक आठवडयापेक्षा अधिक कालावधीपूर्वीचे आहेत. हे ३ मृत्यू नाशिक-२ आणि लातूर-१ असे आहेत.