कोरोना: ४४३० जण घरी तर दुसऱ्या दिवशीही ५३१८ नवे रूग्ण १६७ जणांचा मृत्यू , १-६० हजाराच्या घरात एकूण रूग्ण, ६७ हजार अॅक्टीव्ह

मुंबई : प्रतिनिधी
राज्यात एकाबाजूला रूग्ण बरे होवून घरी जाणाऱ्यांच्या संख्येत वाढ होत आहे. आज पुन्हा ४ थ्या दिवशी ४४३० इतक्या विक्रमी संख्येने रूग्ण घरी गेले. त्यामुळे घरी जाणाऱ्यांची संख्या ८४ हजारावर पोहोचली. तर काल ५ हजार रूग्णांचे निदान झाल्यानंतर आज दुसऱ्यादिवशीही ५३१८ नव्या रूग्णांचे निदान झाले. त्यामुळे एकूण रूग्ण संख्या १ लाख ५९ हजार १३३ वर पोहोचली. तर ६७ हजार ६०० अॅक्टीव्ह रूग्णांची संख्या झाली असून १६७ जणांच्या मृत्यूची नोंद झाल्याची माहिती राज्याचे आरोग्य मंत्री राजेश टोपे यांनी दिली.
राज्यातील रुग्ण बरे होण्याचे प्रमाण (Recovery Rate) ५२.९४ % एवढे झाले आहे. १६७ करोना बाधित रुग्णांच्या मृत्यूंची नोंद. यापैकी ८६ मृत्यू मागील ४८ तासांमधील तर उर्वरित ८१ मृत्यू मागील कालावधीतील आहेत. सध्या राज्यातील मृत्यूदर ४.५७ % एवढा आहे. सध्या राज्यात ५,६५,१६१ लोक होमक्वारंटाईनमध्ये आहेत तर ३६,९२५ लोक संस्थात्मक क्वारंटाईनमध्ये आहेत. आजपर्यंत पाठविण्यात आलेल्या ८,९६,८७४ नमुन्यांपैकी १,५९,१३३ ( १७.७४ टक्के ) नमुने पॉझिटिव्ह आले आल्याचे त्यांनी सांगितले.

जिल्हानिहाय वाढलेले रूग्ण आणि झालेल्या मृत्यूची आकडेवारी

जिल्हानिहाय एकूण रूग्ण, बाधीत रूग्ण आणि एकूण मृत्यूची आकडेवारी