१२२ मृत्यूसह एकूण संख्या ७५ हजाराच्या तर अॅक्टीव्ह रूग्णांची ४० हजाराच्या काटावर नव्याने २५६० रूग्णांचे निदान ९९६ जणांना घरी सोडले

मुंबई: प्रतिनिधी
कोरोनाग्रस्तांच्या बरे होण्याच्या टक्केवारीत जरी वाढ झालेली असली तरी दररोजच्या रूग्णसंख्येत किमान २ हजार रूग्णांच्या नोंदीत कमी आलेली नाही. त्यातच आज १२२ रूग्णांचा मृत्यू झाल्याची नोंद झाली असून राज्यात आज २५६० कोरोना बाधीत रुग्णांची वाढ झाल्याने एकूण संख्या आता ७४ हजार ८६० पर्यंत पोहोचली आहे. आज नवीन ९९६ कोरोना बाधित रुग्ण बरे होवून घरी गेल्याने बरे होणाऱ्या रूग्णांची संख्या ३२ हजार ३२९ वर पोहोचली असून एकूण ३९ हजार ९३५ ऍक्टिव्ह रुग्णांवर सध्या उपचार सुरू असल्याची माहिती राज्याचे आरोग्य मंत्री राजेश टोपे यांनी दिली.
रुग्ण वाढीचा आणि रुग्ण दुप्पट होण्याचा वेग – १ मे ते १ जून या कालावधीत राज्यातील रुग्ण वाढीचा वेग क्रमशः कमी होत असून १ जून रोजी तो देशाच्या सरासरी पेक्षा ( ४.७४ % ) देखील कमी झालेला आहे, हे स्पष्ट झाले.त्याचवेळी रुग्ण दुप्पट होण्याचा कालावधी वाढताना दिसत आहे. यावरुन राज्यातील कोविड १९ प्रसाराचा वेग मंदावत असल्याचे स्पष्ट होते आहे.

दिनांक रुग्ण वाढीचा दर रुग्ण दुपटीचा वेग
१ मे ७.७६ % ९.२७ दिवस
१५ मे ६.२३ % ११.५६ दिवस
३० मे ४.७२ % १५.२६ दिवस
१ जून ४.१५ % १७.३५ दिवस

सध्या राज्यात ५,७१,९१५ लोक होम क्वारंटाईनमध्ये आहेत. राज्यात संस्थात्मक क्वारंटाईन सुविधांमध्ये ७१,९१२ खाटा उपलब्ध असून सध्या ३३,६७४ लोक संस्थात्मक क्वारंटाईनमध्ये आहेत.

एकूण रूग्ण, बरे झालेले रूग्ण, मृत पावणारे रूग्ण आणि अॅक्टीव्ह रूग्णांची जिल्हानिहाय माहिती.