कोरोना: बाधितांच्या संख्येत महिन्यात २ ऱ्यांदा विक्रमी घट तर तीन पटीत बरे होणारे ५ हजार ९७४ नवे बाधित, १५ हजार ६९ बरे झाले तर १२५ मृतकांची नोंद

मुंबई: प्रतिनिधी

ऑक्टोंबर महिन्याच्या सुरुवातीपासून राज्यातील बाधित रूग्णांच्या संख्येत मोठ्या प्रमाणावर घट होत असल्याचे दिसून येत असून काही दिवसांपूर्वी ७ हजार बाधितांची संख्या आढळून आली होती. त्यानंतर आज सर्वाधिक घट झाल्याचे दिसून आले असून मागील २४ तासात ५ हजार ९८४ बाधित आढळून आले आहे. ही संख्या मागील चार महिन्यातील सर्वाधिक घट दर्शविणारी आहे. या संख्येमुळे एकूण बाधितांची संख्या १६ लाख १ हजार ३६५ वर पोहोचली असून अॅक्टीव्ह रूग्ण संख्या १ लाख ७३ हजार ७५९ इतकी खाली आली आहे. तर आजच्या बाधितांच्या तुलनेत तीन पटीने अर्थात १५ हजार ६९ रूग्ण बरे झाल्याने घरी जाणाऱ्यांची संख्या १३ लाख ८४ हजार ८७९ वर पोहोचली आहे. तसेच मागील काही दिवसांच्या तुलनेत मृतकांच्या संख्येत घट होवून आज १२५ मृतकांची नोंद झाल्याची माहिती आरोग्य मंत्री राजेश टोपे यांनी दिली.

राज्यातील रुग्ण बरे होण्याचे प्रमाण (Recovery Rate) ८६.४८ % एवढे झाले आहे. सध्या राज्यातील मृत्यूदर २.६४ % एवढा आहे. आजपर्यंत तपासण्यात आलेल्या ८१,८५,७७८ प्रयोगशाळा नमुन्यांपैकी १६,०१,३६५ (१९.५६ टक्के ) नमुने पॉझिटिव्ह आले आहेत. सध्या राज्यात २४,१४,५७७ व्यक्ती होमक्वारंटाईनमध्ये आहेत तर २३,२८५ व्यक्ती संस्थात्मक क्वारंटाईनमध्ये असल्याचे त्यांनी सांगितले.

राज्यातील जिल्हा आणि मनपानिहाय रुग्णांचा तपशील पुढीलप्रमाणे –

राज्यातील जिल्हानिहाय ऍक्टिव्ह रुग्णांचा तपशील खालील प्रमाणे–