कोरोना : २ दिवसात विक्रमी घरी गेले तर २४ तासात सर्वाधिक संख्येने वाढले ४८४१ रूग्णांचे निदान, १९२ जणांचा मृत्यू

मुंबई : प्रतिनिधी
काल ४१६१ आणि आज ३६६१ रूग्ण बरे होवून गेल्याने बरे होणाऱ्यांची संख्या ७७ हजाराच्या घरात पोहोचली. मात्र दुसऱ्याबाजूला काल ३८०० रूग्ण तर आज थेट राज्यातील कोरोनाग्रस्त रूग्णांची संख्या ४ हजारापार जात ४८४१ इतकी नोंदवली गेली. ही संख्या आतापर्यतची सर्वाधिक संख्या आहे. तर १९२ जणांच्या मृत्यूची संख्या नोंदविली गेली आहे. त्यामुळे राज्यातील एकूण मृतकांची संख्या ६ हजार ९३१ वर पोहोचली आहे.
आज ३६६१ रुग्ण बरे होऊन घरी, राज्यात आजपर्यंत एकूण ७७,४५३ करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण (Recovery Rate) ५२.४२ % एवढे झाले आहे. राज्यात आज १९२ करोना बाधित रुग्णांच्या मृत्यूंची नोंद. यापैकी १०९ मृत्यू मागील ४८ तासांमधील तर उर्वरित ८३ मृत्यू मागील कालावधीतील आहेत. सध्या राज्यातील मृत्यूदर ४.६९ % एवढा असल्याची माहिती आरोग्य मंत्री राजेश टोपे यांनी दिली.

जिल्हानिहाय मृत्यू–

 टीप–  आज राज्यात एकूण नोंदविलेल्या १९१ मृत्यूंपैकी १०९ मृत्यू हे मागील ४८ तासातील आहेत आणि ८३ मृत्यू हे त्या पूर्वीच्या कालावधीतील आहेत. या मृत्यूंमध्ये मुंबईतील ४०, ठाणे जिल्हा आणि जिल्हा अंतर्गत मनपामधील ३१, पालघर -४, सोलापूर -४, मालेगाव – १, यवतमाळ -१, जळगाव – १ आणि पुणे -१ यांचा समावेश आहे.  हे ८३ मृत्यू दैनंदिन स्वरुपात न दाखविता प्रगतीपर आकडेवारीत समाविष्ट करण्यात आलेले आहेत.