राज्य मंत्रिमंडळातील १० वे मंत्री कोरोना पॉझिटीव्ह ट्विटरवरून दिली माहिती

मुंबई: प्रतिनिधी

मागील काही दिवसांपासून राज्य मंत्रिमंडळातील मंत्री राज्यमंत्री कोरोनाबाधित होण्याचे प्रमाण वाढत आहे. त्यात आता शिवसेनेचे सर्वाधिक कार्यक्षम म्हणून लौकिक असलेले सार्वजनिक बांधकाम मंत्री एकनाथ शिंदे यांची कोरोना चाचणी आज पॉझिटीव्ह आल्याची माहिती त्यांनी आज स्वत: ट्विटरवरून दिली.

आतापर्यंत राज्य मंत्रिमंडळातील अशोक चव्हाण, डॉ.जितेंन्द्र आव्हाड, हसन मुश्रीफ, डॉ.नितीन राऊत, धनंजय मुंडे, वर्षा गायकवाड, विश्वजीत कदम, बच्चू कडू, प्राजक्त तनपुरे आदी कोरोनाबाधित झाले. यातील जितेंद्र आव्हाड, अशोक चव्हाण आणि धनंजय मुंडे हे त्यातून बरे झाले. तर इतरजण कोरोनावर उपचार करून घेत आहेत. मात्र आज एकनाथ शिंदे यांचाही अहवाल पॉझिटीव्ह आला. त्यांच्या संपर्कात आलेल्या सर्वांनी स्वत:ची चाचणी करून घ्यावी असे आवाहन करत सर्वांनी काळजी घेण्याचे आवाहन मंत्री शिंदे यांनी केली.

काल मी माझी कोव्हीड-१९ ची तपासणी करून घेतली असता ती पॉझिटिव्ह आली आहे. आपल्या सगळ्यांच्या आशीर्वादाने प्रकृती ठीक आहे. गेल्या काही दिवसांत माझ्या संपर्कात आलेल्या सर्वांनी योग्य ती काळजी घ्यावी आणि स्वतःची कोव्हीड चाचणी करून आवश्यक ती खबरदारी घ्यावी, ही विनंती…

— Eknath Shinde – एकनाथ शिंदे (@mieknathshinde) September 24, 2020