Breaking News

२२ लाख कोटी कर संकलनाचा सरकारचा अंदाज केंद्र सरकारचे नवे कर संकलनातील उद्दिष्ट

नवी दिल्ली- मुंबई: प्रतिनिधी

चालू आर्थिक वर्ष २०२१-२२ मध्ये केंद्र सरकार कर संकलनाचे लक्ष्य ओलांडेल अशी अपेक्षा महसूल सचिव तरुण बजाज यांनी व्यक्त केली आहे. चालू आर्थिक वर्षात ऑक्टोबरपर्यंत सरकारचे प्रत्यक्ष कर संकलन ६ लाख कोटी रुपये झाले आहे. त्याच वेळी आर्थिक वर्षात दरमहा सरासरी जीएसटी संकलन सुमारे १.१५ लाख कोटी रुपये आहे. चालू आर्थिक वर्षाच्या अर्थसंकल्पीय अंदाजापेक्षा सरकारचे कर संकलन अधिक असेल, असे बजाज यांनी सांगितले.

ते म्हणाले की, पेट्रोल आणि डिझेलवरील उत्पादन शुल्कात कपात आणि खाद्यतेलावरील सीमा शुल्कात कपात केल्याने चालू आर्थिक वर्षात सरकारी तिजोरीवर ८०,००० कोटी रुपयांचा भार पडले. परताव्यानंतरही आमचे ऑक्टोबरपर्यंतचे कर संकलन सुमारे ६ लाख कोटी रुपयांवर पोहोचले आहे. आशा आहे की आम्ही बजेटचा अंदाज ओलांडू शकू. मात्र, आम्ही पेट्रोल, डिझेल आणि खाद्यतेलावरील थेट करात बरीच सवलत दिली आहे. हा नफा सुमारे ७५,००० ते ८०,००० कोटी रुपये आहे. असे असूनही मला आशा आहे की आम्ही प्रत्यक्ष आणि अप्रत्यक्ष दोन्ही करांमध्ये अर्थसंकल्पीय अंदाज ओलांडू.

चालू आर्थिक वर्षात २२.२ लाख कोटी रुपये कर संकलनाचा अंदाज सरकारने व्यक्त केला आहे. मागील आर्थिक वर्षाच्या तुलनेत यात ९.५ टक्क्यांनी वाढ झाली आहे. २०२०-२१ मध्ये २०.२ लाख कोटी. एकूण कर संकलनात प्रत्येकाचा वाटा ११ लाख कोटी रुपये असल्याचा अंदाज आहे. यामध्ये ५.४७ लाख कोटी रुपयांचा कॉर्पोरेट कर आणि ५.६१ लाख कोटी रुपयांचा आयकर समाविष्ट आहे.

जीएसटीबाबत बजाज म्हणाले की, नोव्हेंबरचे कलेक्शन चांगले राहिले आहे. परंतु डिसेंबरचा आकडा थोडा कमी असेल. मार्च तिमाहीत जीएसटी संकलन पुन्हा वाढेल. जीएसटी संकलन चांगले आहे. ऑक्टोबरमध्ये आम्ही १.३० लाख कोटी रुपयांचा टप्पा ओलांडला. या महिन्यातही दिवाळीमुळे कर संकलन चांगले राहील. जीएसटी संकलन १.१५ लाख कोटी रुपयांच्या खाली जाणार नाही.

चालू आर्थिक वर्षात सीमा शुल्क संकलनाचे लक्ष्य १.३६ लाख कोटी रुपये असून उत्पादन शुल्क वसुलीचे लक्ष्य ३.३५ लाख कोटी रुपये आहे. याशिवाय केंद्राचा जीएसटी महसूल (भरपाई उपकरासह) ६.३० लाख कोटी रुपये असल्याचा अंदाज आहे. ऑगस्ट महिन्याच्या तुलनेत सप्टेंबर महिन्यामध्ये केंद्र सरकारचे जीएसटी संकलन  वाढले आहे. ऑगस्टच्या तुलनेत सप्टेंबरमधील जीएसटी संकलन १.१२ लाख कोटी रुपयांवरून १.१७ लाख कोटी रुपयांवर पोहोचले आहे.

Check Also

साबण, डिटर्जंटच्या किंमती वाढल्या हिंदुस्तान युनिलिव्हर लिमिटेड (HUL) आणि ITC लिमिटेडने वाढविल्या किंमती

मुंबईः प्रतिनिधी ग्राहकोपयोगी वस्तू बनवणाऱ्या हिंदुस्तान युनिलिव्हर लिमिटेड (HUL) आणि ITC लिमिटेड यांनी त्यांच्या निवडक …

Leave a Reply

Your email address will not be published. Required fields are marked *