१० दिवसात २ ऱ्यांदा राज्यात सर्वाधिक मृत्यू आणि रूग्णांची नोंद १४९ मृतकांची आणि ३ हजार २५४ नवे रूग्ण

मुंबई: प्रतिनिधी
जून महिना सुरु होवून आज अवघे १० दिवस पूर्ण होत असतानाच या दिवसांमध्ये तब्बल दोन वेळा सर्वाधिक मृत्यू आणि रूग्ण संख्येची नोंद झाली. मात्र एकाच दिवशी विक्रमी मृतकांची संख्या आणि रूग्णांच्या संख्येची नोंद होण्याची ही पहिलीच वेळ असून आज ३ हजार २५४ इतक्या नव्या रूग्णांची तर १४९ जणांचा मृत्यूची नोंद झाली. त्यामुळे एकूण कोरोनाग्रस्तांची संख्या ९४ हजार ४१ वर तर अॅक्टीव्ह रूग्णांची ४६ हजार ७४ वर पोहोचल्याची माहिती आरोग्य मंत्री राजेश टोपे यांनी दिली.
तसेच आज १८८९ रूग्ण बरे झाल्याने घरी जाणाऱ्यांची संख्या ४४ हजार ५१७ इतकी झाली आहे. यापूर्वी ६ जून रोजी सर्वाधिक १३९ जणांच्या मृत्यूची नोंद तर ७ जून रोजी ३ हजार ७ नव्या रूग्णांची नोंद झाली होती. त्यामुळे मागील १० दिवसात दुसऱ्यांदा सर्वाधिक रूग्ण आणि मृतकांची नोंद झाली आहे.
राज्यातील रुग्ण बरे होण्याचे प्रमाण ( Recovery Rate ) ४७.३४ % एवढे आहे. राज्यातील मृत्यू दर – ३.६५ %. सध्या राज्यात ५,६९,१४५ लोक होम क्वारंटाईनमध्ये आहेत. राज्यात संस्थात्मक क्वारंटाईन सुविधांमध्ये ७५,७२७ खाटा उपलब्ध असून सध्या २७,२२८ लोक संस्थात्मक क्वारंटाईनमध्ये आहेत.

मृत्यू – राज्यात १४९ करोना बाधित रुग्णांच्या मृत्यूची नोंद आज झाली आहे. आज नोंद झालेल्या मृत्यूंपैकी आरोग्य मंडळ निहाय मृत्यू खालील प्रमाणे आहेत –

राज्यात आज रोजी एकूण ४६,०७४  ऍक्टिव्ह रुग्ण आहेत. राज्यातील जिल्हा निहाय ऍक्टिव्ह रुग्णांचा तपशील खालीलप्रमाणे आहे –