कोरोना: अबब..१६ जून पर्यंत राज्यात ५ हजार ५०० हून अधिक मृत्यू अॅक्टीव्ह रूग्ण ५० हजारावर तर बरे होवून घरी गेले ५७ हजार

मुंबई: प्रतिनिधी
मागील काही दिवसांपासून राज्य सरकार मृतकांचा किंवा रूग्णाच्या आकडेवारी लपवित असल्याची चर्चा दबक्या आवाजात सरकार दरबारी सुरु होती. त्याची परिणती अखेर याविषयीची माहिती प्रसारमाध्यमात आणि विरोधकांकडून करण्यात आल्यानंतर राज्य सरकारने आतापर्यतची आणि फेरतपासणीत आढळून आलेल्या आकडेवारीनुसार ९ मार्च पासून ते १६ जून पर्यत ५ हजार ५३७ जणांचा मृत्यू झाल्याचे अखेर स्पष्ट झाले.
दरम्यान आज सर्वात कमी ८० जणांच्या मृत्यूची नोंद राज्यात झाली असून २ हजार ७०१ नव्या रूग्णांचे निदान झाले. तर १८०२ रूग्ण बरे होवून घरी गेले आहेत. त्यामुळे राज्यात अॅक्टीव्ह रूग्णांची संख्या ५० हजार ४४ वर पोहोचली आहे. तर बरे होणाऱ्या रूग्णांची संख्या ५७ हजार ८५१ वर पोहोचल्याची माहिती आरोग्य मंत्री राजेश टोपे यांनी सांगितले.
राज्यातील रुग्ण बरे होण्याचे प्रमाण ( Recovery Rate ) ५०.९९ %एवढे आहे. राज्यातील मृत्यू दर – ४.८. सध्या राज्यात ५,८६,६८६ लोक होमक्वारंटाईनमध्ये आहेत. राज्यात १५४३ संस्थात्मक क्वारंटाईन सुविधांमध्ये ८०,५०२ खाटा उपलब्ध असून सध्या २७,२४२ लोक संस्थात्मक क्वारंटाईनमध्ये आहेत.

मृत्यूची नव्या जून्यांची जिल्हानिहाय आकडेवारी

जिल्हानिहाय अॅक्टीव्ह रूग्ण आणि एकूण रूग्ण