केंद्राकडून पी.व्ही.नरसिंहराव, एम.एस.स्वामीनाथन, चौधरी चरणसिंग यांना भारतरत्न

संसदेच्या हिवाळी अधिवेशना दरम्यान पंतप्रधान पंडित जवाहरलाल नेहरू यांच्या धोरणावर विद्यमान पंतप्रधान नरेंद्र मोदी यांनी यथेच्छ टीकास्त्र सोडल्यानंतर आणि देशाच्या आर्थिक दूरावस्थेला काँग्रेसला जबाबदार धरले. त्यानंतर काँग्रेस पक्षाचे ज्येष्ठ नेते तथा माजी पंतप्रधान पी.व्ही.नरसिंह राव, हरित क्रांतीचे प्रणेते एम.एस.स्वामीनाथन आणि माजी जनता पक्षाच्या काळात उपपंतप्रधान चौधरी चरण सिंग यांना देशाचा सर्वोच्च नागरी बहुमान भारतरत्न पुरस्कार आज जाहिर करण्यात आला.

यासंदर्भातील अधिकृत घोषणा पंतप्रधान नरेंद्र मोदी यांनी आपल्या एक्स या सोशल मायक्रो ब्लॉगिंग साईटवर ट्विट करत केली.

यावेळी पंतप्रधान नरेंद्र मोदी ट्विट करत चौधरी चरण सिंग यांना भारतरत्न पुरस्कार जाहिर करण्यामागील भूमिका स्पष्ट करताना म्हणाले की, भारतात आणिबाणी जाहिर केल्याच्या काळात त्यांनी केंद्र सरकारच्या विरोधात आणिबाणी विरोधी भूमिका मांडत शेतकऱ्यांच्या कल्याणासाठी जीवन समर्पित केले. त्यांच्या शेतकऱ्यांच्या हिताबाबत स्विकारलेल्या भूमिकेबद्दल भारतरत्न पुरस्कार देत असल्याचे सांगितले.

हमारी सरकार का यह सौभाग्य है कि देश के पूर्व प्रधानमंत्री चौधरी चरण सिंह जी को भारत रत्न से सम्मानित किया जा रहा है। यह सम्मान देश के लिए उनके अतुलनीय योगदान को समर्पित है। उन्होंने किसानों के अधिकार और उनके कल्याण के लिए अपना पूरा जीवन समर्पित कर दिया था। उत्तर प्रदेश के… pic.twitter.com/gB5LhaRkIv

— Narendra Modi (@narendramodi) February 9, 2024

तसेच पंतप्रधान नरेंद्र मोदी यांनी माजी पंतप्रधान पी.व्ही.नरसिंह राव यांना भारतरत्न पुरस्कार जाहिर केल्याबद्दल आपली भूमिका स्पष्ट करताना, पी.व्ही.नरसिंह राव यांचा उल्लेख गुरु असा करत जागतिक बाजारपेठेला भारताची कवाडे उघडी करून देत आर्थिक क्षेत्रात नवे पर्व सुरु केले. त्याचबरोबर नरसिंहराव यांनी परराष्ट्र नीती, भाषा आणि शैक्षणिक क्षेत्रातील त्यांच्या अतुलनीय कामगिरीमुळे देशाला कठीण परिस्थितीतही चालण्याचे मार्गदर्शन मिळत आहे. तसेच त्यांच्या तत्ववादी आणि बुध्दीमान कर्तत्वामुळे देशातील सांस्कृतिक आणि पारंपारीक ज्ञानाचा वारसा ठरला असल्याचे मतही व्यक्त केले.

Delighted to share that our former Prime Minister, Shri PV Narasimha Rao Garu, will be honoured with the Bharat Ratna.

As a distinguished scholar and statesman, Narasimha Rao Garu served India extensively in various capacities. He is equally remembered for the work he did as… pic.twitter.com/lihdk2BzDU

— Narendra Modi (@narendramodi) February 9, 2024

याशिवाय पंतप्रधान नरेंद्र मोदी म्हणाले की, एम.एस.स्वामीनाथन यांनी आपल्या संशोधनाच्या कामातून देशाच्या कृषी क्षेत्रातील अतुलनीय कामामुळे देशाच्या कृषी आणि शेतकऱ्यांच्या जीवनात आमुलाग्र बदल झाले.

It is a matter of immense joy that the Government of India is conferring the Bharat Ratna on Dr. MS Swaminathan Ji, in recognition of his monumental contributions to our nation in agriculture and farmers’ welfare. He played a pivotal role in helping India achieve self-reliance in… pic.twitter.com/OyxFxPeQjZ

— Narendra Modi (@narendramodi) February 9, 2024

विशेष म्हणजे कर्पुरी ठाकूर आणि रथयात्रेचे जनक लालकृष्ण अडवाणी यांना भारतरत्न पुरस्कार जाहिर केल्यानंतर पंतप्रधान नरेंद्र मोदी यांनी आज माजी पंतप्रधान पी.व्ही.नरसिंह राव, हरितक्रांतीचे प्रणेते एम.एस.स्वामीनाथन आणि चौधरी चरण सिंग यांना आज भारतरत्न पुरस्कार जाहिर करण्यात आला. आणि याची माहिती पंतप्रधान नरेंद्र मोदी यांनी स्वतः ट्विट करत माहिती दिली.

दरम्यान, आगामी लोकसभा निवडणूकांची आचारसंहिता मार्च महिन्याच्या पहिल्या आठवड्यात जाहिर होण्याची शक्यता आहे. त्यातच देशातील वाढती महागाई, बेरोजगारी आणि आर्थिक पातळीवर सर्वसामान्य नागरिकांपासून ते वित्तीय संस्थांवर दिवाळखोरीची टांगती तलवार आहे. तरीही पंतप्रधान नरेंद्र मोदी यांनी मागील १० वर्षातील आर्थिक आरिष्टास पंडित जवाहरलाल नेहरू आणि काँग्रेसला जबाबदार धरले आहे. याशिवाय देशातील कायदा व सुव्यवस्थेचा प्रश्न सर्वच राज्यात निर्माण होत आहे. या सगळ्या घडामोंडीना बगल देण्यासाठी पंतप्रधान नरेंद्र मोदी यांनी भारतरत्न पुरस्काराची घोषणा तर केली नाही ना अशी सुप्त चर्चा राजकिय वर्तुळात सुरु झाली आहे.