Marathi e-Batmya
जागतिक शाकाहारी दिवस दरवर्षी १ ऑक्टोबर रोजी आपण साजरा करतो. हा दिवस साजरा करण्यामागचा उद्देश लोकांना शाकाहारी पदार्थांच्या फायद्यांची जाणीव करून देणे तसेच जेवणात शाकाहारी पढार्थाचा जास्तीत जास्त वापर करणे हा त्यामागचा उद्देश,उत्तम आरोग्यासाठी शाकाहारी अन्न खाण्याचा सल्ला नेहमीच दिला जातो.
सामान्यतः लोकांना असे वाटते की मांसाहाराच्या तुलनेत शाकाहारी अन्न चवदार नसते. चांगल्या आरोग्यासाठी शरीराला सर्व पोषक तत्वांची गरज असते, अशा परिस्थितीत फक्त शाकाहारी पदार्थांच्या मदतीने शरीरातील सर्व जीवनसत्त्वांची कमतरता दूर करता येते. ताजी फळे, भाज्या आणि संपूर्ण धान्य खाल्ल्याने तुम्ही फिट राहाल.
चला तर मग जाणून घेऊया शाकाहारी खाण्याचे फायदे
हृदयाच्या आरोग्यासाठी फायदेशीर
आपल्या खाण्याच्या चुकीच्या सवयींमुळे आपल्या आरोग्यावर परिणाम होतो. त्यामुळे हृदयाशी संबंधित आजार होण्याचा धोका असतो. शाकाहारी अन्नाचे सेवन हृदयाच्या आरोग्याला चालना देण्यासाठी खूप फायदेशीर ठरू शकते. हृदय निरोगी ठेवण्यासाठी फायबरयुक्त पदार्थ जसे की संपूर्ण धान्य, शेंगदाणे, शेंगा इ. ते कोलेस्ट्रॉलच्या समस्यांवर नियंत्रण ठेवून तुमच्या हृदयाचे रक्षण करतात.
रक्तदाब नियंत्रित ठेवण्यास उपयुक्त
आजवर संशोधनातून असे समोर आले आहे की ज्या लोकांना उच्च रक्तदाबाची समस्या आहे ते शाकाहारी आहाराचे पालन करून उच्च रक्तदाब नियंत्रित करू शकतात. शाकाहारी अन्नामध्ये फॅट्स आणि सोडियमचे प्रमाण कमी असते, जे रक्तदाब सामान्य ठेवण्यास खूप मदत करतात. याशिवाय शाकाहारी पदार्थांमध्ये समाविष्ट असलेली अनेक फळे आणि भाज्यांमध्ये पोटॅशियम भरपूर प्रमाणात असते ज्यामुळे उच्च रक्तदाब नियंत्रित ठेवण्यास मदत होते.
हाडे निरोगी ठेवा
जे लोक शाकाहारी आहेत त्यांना हाडांशी संबंधित आजारांचा धोका कमी असतो. वास्तविक, दूध, चीज, नट, टोफू, सोयाबीन आणि हिरव्या भाज्यांमध्ये कॅल्शियमचे प्रमाण जास्त असते. ज्याचे सेवन केल्याने हाडे मजबूत होतात.
वजन कमी करण्यास उपयुक्त
वजन नियंत्रित करायचं असेल तर व्हेज डाएट पाळणं गरजेचं आहे. साधे अन्न वजन नियंत्रित ठेवण्यासाठी उपयुक्त आहे. चिकन, मासे इत्यादी मांसाहारी पदार्थांमध्ये कॅलरीजचे प्रमाण जास्त असते. हे खाल्ल्याने वजन झपाट्याने वाढते.
