चाईल्ड पॉर्नग्राफीतील गुन्ह्यात महाराष्ट्र देशात प्रथम १२५ गुन्हे दाखल केल्याची गृहमंत्री अनिल देशमुख यांची माहिती

मुंबईः विशेष प्रतिनिधी

राज्यात बाल लैगिंक अत्याचार कायद्याखाली आणि चाईल्ड पॉर्नग्राफी प्रकरणी आतापर्यंत १२५ गुन्हे दाखल करण्यात आले आहेत. तर ४० जणांना अटक करण्यात आलेली असून याप्रकरणी देशात सर्वाधिक गुन्हे महाराष्ट्रात असल्याची माहिती गृहमंत्री अनिल देशमुख यांनी विधानसभेत दिली.

विधानसभेत अॅड.आशिष शेलार, पराग अळवणी, प्रशांत ठाकूर, अमित साटम यांच्यासह अन्य सदस्यांनी याबाबतचा मुद्दा लक्षवेधी सूचनेद्वारे उपस्थित केला. त्यास उत्तर देताना ते बोलत होते.

संकेतस्थळांवर लैगिंक अत्याचाराचे चाईल्ड पॉर्नग्राफी असलेले व्हीडीओ अपलोड करण्यात आले. आतापर्यंत सायबर क्राईमच्या माध्यमातून १६०० प्रकरणे उघडकीस आली आहेत. यापैकी १२५ जणांवर गुन्हे दाखल ४० जणांना अटक करण्यात आले आहे. यासंदर्भात द नॅशनल सेंट्र फॉर मिसींग अॅण्ड एक्सप्लोयटेड चिल्ड्रन ही आंतरराष्ट्रीय स्वंयसेवी संस्था काम करत आहे. या संस्थेने केंद्राच्या द नॅशनल क्राईम रेकॉर्ड ब्युरो संस्थेकडे पाठविल्याचे त्यांनी सांगितले.

यासंदर्भात उपलब्ध झालेली माहिती मुंबईसह १० आयुक्तालये व २९ जिल्हा घटक प्रमुखांकडे बळी पडलेल्या मुलांच्या पुर्नवसनासाठी स्वतंत्र यंत्रणा उभारण्यात येणार  असल्याचे त्यांनी सांगितले.