Breaking News

सणासुदीच्या तोंडावर सोने-चांदीच्या किंमतीत मोठी वाढ जागतिक घडामोडींचा परिणाम सोने-चांदीच्या किंमतींवर; दसरा दिवाळीच्या तोंडावर मोजावे लागणार अधिक पैसे

जागतिक घडामोडींचे परिणाम आता सोने-चांदीवर दिसून येत आहे. मध्य-पूर्वेतील अशांतता, युक्रेन-रशियात १९ महिन्यांपासून सुरु असलेले युद्ध याचा परिणाम आता सोन्या चांदीच्या किमतीवर दिसून येत आहे. त्यामुळे अनेक वस्तू महागण्याची शक्यता आहे. त्यात सोने-चांदीने पहिला क्रमांक लावला आहे. गेल्या आठवड्यात सोने-चांदीच्या किमतीने उच्चांकी झेप घेतली होती. पण मंगळवारी किंमतीत मोठी घसरण आली होती. बुधवारी सोने-चांदीच्या किंमतींनी पुन्हा उसळी घेतली.

गुडरिटर्न्सनुसार, या आठवड्याच्या सुरुवातीचे दोन दिवस भावात घसरण दिसली. १६ ऑक्टोबर रोजी सोने ३४० रुपयांनी उतरले. तर १७ ऑक्टोबर रोजी सोन्यात १६० रुपयांची घसरण झाली. १८ ऑक्टोबर रोजी सोने ५४० रुपयांनी वधारले. तर २२ कॅरेट सोने ५५ हजार ५१० रुपये प्रति १० ग्रॅम तर २४ कॅरेट सोन्याचा भाव ६० हजार ६५० रुपये प्रति १० ग्रॅम आहे. या आठवड्यात सोन्यात घसरण कायम राहिल्यास ग्राहकांचा दसरा हसरा होईल.

इंडियन बुलियन्स अँड ज्वेलर्स असोसिएशननुसार २४ कॅरेट सोने ५९ हजार ८४० रुपयांपर्यंत घसरले. २३ कॅरेट ५९ हजार ६०० रुपये, २२ कॅरेट सोने ५४ हजार ८१३ रुपये, १८ कॅरेट ४४ हजार ८८० रुपये, १४ कॅरेट सोने ३५ हजार ००६ रुपये प्रति १० ग्रॅमवर पोहचले. एक किलो चांदीचा भाव ७२ हजार १९७ रुपयांपर्यंत झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

निबंध स्पर्धेला १५ मार्च २०२३ पर्यंत मुदतवाढ

Check Also

स्टार्टअप रँकिंग क्रमवारीत महाराष्ट्र टॉप परफॉर्मर…

केंद्रीय वाणिज्य व उद्योग मंत्रालयाच्या व्यापार आणि उद्योग संवर्धन विभागाच्यावतीने राज्यांच्या स्टार्टअप रँकिंग कार्यक्रमाच्या चौथ्या …

Leave a Reply

Your email address will not be published. Required fields are marked *