अभिषेक बच्चन आणि सैयामी खेर स्टारर ‘घूमर’ १८ ऑगस्टला रिलीज झाला. गेल्या काही दिवसांपासून या चित्रपटाची जोरदार चर्चा होती. अभिनेता चित्रपटाचे जोरदार प्रमोशन करत होता. दरम्यान, शुक्रवारी प्रदर्शित झालेल्या या चित्रपटाची पहिल्या दिवसाची कमाई समोर आली आहे.
‘गदर 2’ सध्या बॉक्स ऑफिसवर धुमाकूळ घालत आहे. आणि ‘OMG 2’ चित्रपट अजूनही थिएटरमध्ये चालू आहे. दरम्यान ‘घूमर’ रिलीज झाला. ‘घूमर’ला आधीपासून सुरू असलेल्या दोन चित्रपटांशी स्पर्धा करावी लागली. अभिषेक बच्चनच्या ‘घूमर’ने रिव्ह्यू मिळवले, पण हा चित्रपट सनी देओलच्या ‘गदर 2’ला टिकू शकला नाही. अशा परिस्थितीत चांगला आशय असूनही ‘घूमर’ला चित्रपटगृहांमध्ये प्रेक्षक मिळालेला नाही.
‘घूमर’च्या पहिल्या दिवसाच्या सुरुवातीचे आकडे समोर आले आहेत. ‘सकनीलक’ च्या सुरुवातीच्या आकडेवारीनुसार या चित्रपटाने केवळ ८५ लाखांची कमाई केली. घूमरचे दिग्दर्शन आर बाल्की यांनी मोठ्या स्टारकास्टसह केले आहे. क्रिकेटवर आधारित या चित्रपटाला चांगला प्रतिसाद मिळाला होता, पण या चित्रपटाचे ओपनिंग डे कलेक्शन अत्यंत निराशाजनक ठरले आहे.
‘घूमर’ हा एका वेगळ्या दिव्यांग महिला खेळाडूच्या प्रेरणादायी जीवन प्रवासावर आधारित चित्रपट आहे. या महिला क्रिकेटरची भूमिका अभिनेत्री सैयामी खेरने साकारली आहे. अभिषेक आणि सैयामीसोबत अंगद बेदी आणि शबाना आझमी यांच्याही महत्त्वाच्या भूमिका आहेत.