भारताची व्यापार तूट घटली ५ महिन्यांतील सर्वात कमी तूट

आर्थिक आघाडीवर दिलासा देणारी बातमी आहे. वाणिज्य मंत्रालयाने जारी केलेल्या व्यापार आकडेवारीनुसार भारताची व्यापार तूट कमी झाली आहे. व्यापार तूट ५ महिन्यांतील नीचांकी पातळीवर पोहोचली आहे.

आयात कमी करण्याच्या सरकारच्या प्रयत्नांमुळे भारताची व्यापारी व्यापार तूट सप्टेंबरमध्ये १९.३७ अब्ज डॉलरवर घसरली. ही तूट पाच महिन्यांतील सर्वात कमी आहे. ऑगस्टमध्ये व्यापार तूट २४.२ अब्ज डॉलर होती, तर मागील जुलैमध्ये ती २०.७ अब्ज डॉलर होती. ऑगस्टमधील व्यापार तूट १० महिन्यांतील सर्वाधिक नोंदवली गेली. मे मध्ये व्यापार तूट २२.१ अब्ज डॉलर होती.

निर्यात घटली
या वर्षी सप्टेंबरमध्ये देशाची निर्यात २.६ टक्क्यांनी घसरून ३४.४७ अब्ज डॉलर झाली आहे. गेल्या वर्षी याच महिन्यात निर्यात ३५.३९ अब्ज डॉलर होती. शुक्रवारी जाहीर झालेल्या सरकारी आकडेवारीनुसार, सप्टेंबरमध्ये आयातही १५ टक्क्यांनी घसरून ५३.८४ अब्ज डॉलर झाली आहे. गेल्या वर्षी याच महिन्यात हा आकडा ६३.३७ अब्ज डॉलर होता. यामुळे सप्टेंबर २०२३ मध्ये व्यापार तूट १९.३७ अब्ज डॉलर होती.

आयातीत घट
चालू आर्थिक वर्ष २०२३-२४ मध्ये एप्रिल-सप्टेंबर दरम्यान निर्यात ८.७७ टक्क्यांनी घसरून २११.४ अब्ज डॉलर झाली आहे. तर या सहा महिन्यांत आयात १२.३३ टक्क्यांनी घसरून ३२६.९८ अब्ज डॉलरवर आली आहे. ऑगस्टमध्ये वार्षिक आधारावर आयात आणि निर्यात दोन्हीमध्ये घट झाली होती. ऑगस्टमध्ये निर्यातीत ६.९ टक्के आणि आयातीत ५.२ टक्के घट झाली.

सोन्याच्या आयातीत वाढ
यंदा सोन्याच्या आयातीत वाढ झाली असून गेल्या वर्षी घट झाली होती. सोन्याच्या आयातीवर लावण्यात आलेल्या शुल्कामुळे आयातीत घट झाली होती. याशिवाय पेट्रोलियम उत्पादने, मौल्यवान खडे, चांदी, कोळसा आणि कोक यांच्या आयातीतही घट दिसून आली.