कर्मचारी भविष्य निर्वाह निधी संघटनेच्या तात्पुरत्या आकडेवारीनुसार, ईपीएफमध्ये जुलैमध्ये सर्वाधिक १८.७५ लाख सदस्य जोडले गेले आहेत. एप्रिल २०१८ मध्ये ईपीएफओ (EPFO) पेरोल डेटाचे प्रकाशन सुरू झाल्यापासून सर्वाधिक सदस्य जोडण्याचा हा विक्रम आहे. ही आकडेवारी सप्टेंबर २०१७ पासून प्रकाशित केला जात आहे. हा ट्रेंड सलग तीन महिने सुरू आहे. जून २०२३ मध्ये EPFO ने एकूण ८५,९३२ सदस्य जोडले आहेत.
ईपीएफओ आकडेवारीनुसार, जुलै २०२३ मध्ये १०.२७ लाख नवीन सदस्यांची नोंदणी झाली आहे, जी जुलै २०२२ नंतर सर्वाधिक आहे. जुलै २०२३ मध्ये बहुसंख्य नवीन सदस्यांचे वय प्रामुख्याने १८-२५ वर्षांच्या दरम्यान होते, जे एकूण सदस्य नोंदणीच्या ५८.४५ टक्के होते. आपण लिंग-आधारित डेटा पाहिला तर, जुलैच्या वेतनश्रेणी डेटामध्ये ३.८६ लाख महिला सदस्य जोडल्या गेल्या आहेत. २.७५ लाख महिला अशा आहेत ज्या पहिल्यांदाच सामाजिक सुरक्षा कवचाखाली आल्या आहेत.
राज्यनिहाय आकडेवारी पाहिल्यास, महाराष्ट्र, तामिळनाडू, कर्नाटक, गुजरात आणि हरियाणा ही राज्ये EPFO मध्ये सदस्य जोडण्यात आघाडीवर आहेत. एकूण सदस्यांच्या वाढीपैकी ५८.७८ टक्के सदस्य या राज्यांमधून येत आहेत. जुलै २०२३ मध्ये या ५ राज्यांमधून एकूण ११.०२ लाख सदस्य आले आहेत आणि त्यातही महाराष्ट्र आघाडीवर आहे. जुलै २०२३ मध्ये एकूण सदस्यांपैकी २०.४५ टक्के सदस्य महाराष्ट्रातून आले आहेत.
.
जुलै २०२३ मध्ये सुमारे २७,८७० नवीन आस्थापनांची नोंदणी झाली आहे. त्यांना कर्मचारी राज्य विमा महामंडळ (ESI योजना) च्या सामाजिक सुरक्षा अंतर्गत आणण्यात आले आहे. यामुळे त्यांच्यासाठी अधिक कव्हरेज निश्चित झाले आहे. या आकडेवारीवरून असे दिसून येते की देशातील तरुणांसाठी अधिक नोकऱ्या निर्माण झाल्या आहेत. कारण जुलै महिन्यात जोडलेल्या एकूण १९.८८ लाख कर्मचाऱ्यांपैकी २५ वर्षे वयोगटापर्यंतचे ९.५४ लाख कर्मचारी नवीन नोंदणींमध्ये सर्वाधिक आहेत. एकूण ४७.९ टक्के कर्मचारी आहेत.
पेरोल डेटानुसार जुलै २०२३ मध्ये महिला सदस्यांची निव्वळ नोंदणी ३.८२ लाख होती. जुलै २०२३ मध्ये एकूण ५२ ट्रान्सजेंडर कर्मचाऱ्यांनी ESI योजनेअंतर्गत नोंदणी केली आहे.