Breaking News

या १० बँका एफडीवर देत आहेत ९ टक्क्यांपेक्षा अधिक व्याज, यादी पहा मुदत ठेवीवर सर्वाधिक व्याज दर देणाऱ्या बँका

तुम्ही शेअर बाजारातील प्रचंड चढउतारांना कंटाळले असाल तर तुम्ही तुमचे पैसे बँक एफडीमध्ये गुंतवू शकता. अनेक बँका यावेळी चांगला परतावा देत आहेत. काही स्मॉल फायनान्स बँका अगदी ९ टक्के आणि त्याहून अधिक परतावा देत आहेत. लघु वित्त बँका सर्व बँकांमध्ये सर्वाधिक व्याजदर देतात.

युनिटी स्मॉल फायनान्स बँक
सामान्य ग्राहकांसाठी ही बँक सात दिवस ते दहा वर्षात परिपक्व होणाऱ्या एफडी वर ४.५ टक्के ते ९ टक्क्यांपर्यंत व्याजदर देत आहे. ज्येष्ठ नागरिकांना सात दिवसांपासून ते दहा वर्षांत परिपक्व होणाऱ्या एफडीवर ४.५ टक्के ते ९.५ टक्क्यांपर्यंत व्याजदर मिळत आहेत. नवीन दर ९ ऑक्टोबर २०२३ पासून लागू होणार आहेत. १००१ दिवसांच्या मुदतीसह एफडीवर सर्वाधिक ९ टक्के व्याजदर दिला जात आहे.

सूर्योदय स्मॉल फायनान्स बँक
सूर्योदय स्मॉल फायनान्स बँक सात दिवस ते दहा वर्षांच्या कालावधीत परिपक्व होणाऱ्या एफडीवर सामान्य ग्राहकांना ४% ते ८.६% दरम्यान व्याजदर ऑफर करते. ज्येष्ठ नागरिकांना सात दिवस ते दहा वर्षात मुदतपूर्ती होणाऱ्या ठेवींवर ४.५% ते ९.१% पर्यंत व्याजदर मिळेल. २ वर्ष ते ३ वर्षांपेक्षा जास्त कालावधीच्या एफडीसाठी ८.६०% चा सर्वाधिक व्याजदर दिला जात आहे. हे दर ७ ऑगस्ट २०२३ पासून लागू आहेत.

डीसीबी बँक
डीसीबी बँक एफडीवर सामान्य ग्राहकांना ३.७५% ते ७.९% आणि ज्येष्ठ नागरिकांना ४.२५% ते ८.५०% पर्यंत व्याजदर देत आहे. हे दर २७ सप्टेंबर २०२३ पासून लागू आहेत.

आरबीएल बँक
ही बँक सामान्य ग्राहकांना एफडीवर ३.५०% ते ७.८०% व्याजदर देत आहे. तर ज्येष्ठ नागरिकांना ४% ते ८.३०% दरम्यान व्याज मिळत आहे. हे दर १६ ऑक्टोबर २०२३ पासून लागू आहेत.

आयडीएफसी फर्स्ट बँक
आयडीएफसी फर्स्ट बँक सामान्य ग्राहकांसाठी एफडीवर ३.५०% ते ७.७५% दरम्यान व्याज दर देत आहे. दुसरीकडे, बँक ज्येष्ठ नागरिकांसाठी ४ ते ८.२५% व्याजदर देत आहे. ५४९ दिवस ते दोन वर्षात परिपक्व होणाऱ्या ठेवींवर सर्वाधिक ७.७५% व्याजदर दिला जात आहे.

पंजाब अँड सिंध बँक
सामान्य ग्राहकांना २.८% ते ७.४०% पर्यंत व्याजदर मिळत आहेत. ४४४ दिवसांत मुदत ठेवींवर सर्वाधिक व्याजदर दिला जात आहे. हे दर १ ऑक्टोबर २०२३ पासून लागू आहेत.

स्टेट बँक ऑफ इंडिया
देशातील सर्वात मोठी सार्वजनिक बँक सामान्य ग्राहकांसाठी ३% ते ७.१०% दरम्यान व्याजदर देत आहे. ज्येष्ठ नागरिकांसाठी व्याजदर ३.५% ते ७.६% दरम्यान असतो. हे दर १५ फेब्रुवारी २०२३ रोजी शेवटचे सुधारित करण्यात आले होते.

आयसीआयसीआय बँक
खाजगी क्षेत्रातील ही बँक सर्व ग्राहकांसाठी 3% ते ७.१% दरम्यान FD वर व्याजदर देते. ज्येष्ठ नागरिकांना वेगवेगळ्या कालावधीच्या FD वर ३.५०% ते ७.६५% पर्यंत व्याजदर मिळत आहेत.

एचडीएफसी बँक
एचडीएफसी बँक वेगवेगळ्या कालावधीसाठी ३% ते ७.२०% पर्यंत एफडीवर व्याज दर देत आहे. दुसरीकडे, ज्येष्ठ नागरिकांना ३.५% ते ७.७५% दरम्यान व्याज मिळत आहे. हे दर १ ऑक्टोबर २०२३ पासून लागू आहेत.

Check Also

स्विगीसह या कंपन्यांचे आयपीओ बाजारात लवकरच येण्याची शक्यता चार कंपन्यांनी केले लिस्टींग

फूड डिलिव्हरी प्लॅटफॉर्म स्विगीने स्वतःला खाजगी मर्यादित संस्थेतून सार्वजनिक मर्यादित कंपनी बनवले आहे, असे कंपनीच्या …

Leave a Reply

Your email address will not be published. Required fields are marked *