Breaking News

विधिमंडळाचे हिवाळी अधिवेशन मुंबईत होणार राज्य मंत्रिमंडळाच्या बैठकीत निर्णय

मुंबईः प्रतिनिधी
कोरोनाच्या वाढत्या प्रादुर्भाव आणि दुसऱ्या लाटेच्या पार्श्वभूमीवर आगामी विधिमंडळाचे हिवाळी अधिवेशन नागपूरऐवजी मुंबईत घेण्याचा निर्णय राज्य मंत्रिमंडळात आज घेण्यात आला. यामुळे यंदाचे हिवाळी अधिवेशन गरमच राहण्याची शक्यता आहे.
नागपूर करारानुसार वर्षभरातील एक अधिवेशन नागपूरात घ्यावे असे बंधनकारक आहे. याकालावधीत संपूर्ण राज्याची प्रशासकिय आणि सरकार नागपूरात स्थलांतरीत होते. मात्र यंदाच्या हिवाळी अधिवेशनास कोरोनामुळे अपवाद करत मुंबईतच घेण्यात येणार आहे.
याशिवाय आगामी मुंबईत होणारे अर्थसंकल्पिय अधिवेशन नागपूरात घेण्याचा विचार राज्य सरकारचा आहे.
तसेच मुंबईत होणाऱ्या अधिवेशनाचा कालावधी हा चारच दिवसांचा राहण्याची शक्यता असून ७ डिसेंबर किंवा ९ डिसेंबर या तारखे पासून सुरु होणार आहे. यासंदर्भातील विधिमंडळाच्या सल्लागार समितीची बैठक उद्या होत असून त्यात अंतिम निर्णय अंतिम होणार  आहे.

Check Also

भुजबळ तुम्ही जामीनावर आहात…..तर महागात पडेल भाजपा प्रदेशाध्यक्ष चंद्रकांत पाटील यांची भुजबळांना जाहिर धमकी

मुंबई: प्रतिनिधी छगन भुजबळ तुम्ही जामीनावर आहात…काय बोलायचं ते इथल्या गोष्टीवर बोला. नेत्यांवर बोलू नका …

Leave a Reply

Your email address will not be published. Required fields are marked *