शरद पवार यांच्या हस्ते एकनाथ शिंदे यांचा दिल्लीत सन्मान, महाराष्ट्रात धुमशान शरद पवार यांच्या बचावासाठी एकनाथ शिंदे आले पुढे

मंगळवारी माजी केंद्रीय मंत्री आणि राष्ट्रवादी काँग्रेस पक्षाचे (शरद गट) अध्यक्ष शरद पवार यांच्या हस्ते उपमुख्यमंत्री एकनाथ शिंदे यांचा महादजी शिंदे पुरस्कार देऊन गौरव केला. शरद पवार यांनी दिल्लीत एकनाथ शिंदे यांचा सत्कार केला पण त्या पुरस्काराच्या सन्मानावरू महाराष्ट्रात मात्र घमासान सुरू झाले. शरद पवार यांच्या हस्ते एकनाथ शिंदे यांना देण्यात आलेला सन्मान उद्धव ठाकरे आणि त्यांच्या पक्षाला पचनी पडत नाही, त्यामुळे शिवसेना उबाठाचे प्रवक्ते संजय राऊत यांच्यासह इतर नेत्यांनी शरद पवार यांच्यावर एकच हल्लाबोल केला.

यासंदर्भात शरद पवार यांच्या विरोधात नाराजी व्यक्त करत संजय राऊत यांनी एकनाथ शिंदे यांना पुरस्कार देऊन सन्मानित करायला नको होते, असे सांगून संजय राऊत पुढे म्हणाले की, महाराष्ट्राचा नाश करणाऱ्यांना संपूर्ण राज्य आपले शत्रू मानते, पण महाराष्ट्राच्या अस्मितेच्या आणि स्वाभिमानाच्या विरोधात शरद पवार यांनी केलेले काम वेगळे आहे, त्यामुळे त्यासंदर्भात शरद पवार यांची भावना वेगळी असेल असेही यावेळी सांगितले. संजय राऊत यांच्यानंतर सुषमा अंधारे आणि माजी खासदार विनायक राऊत यांनीही शरद पवार यांना विश्वासघाती ठरवत म्हणाले की, शरद पवार यांनी एकनाथ शिंदे यांना पुरस्कार देऊन त्यांचा सन्मान करायला नको पाहिजे होता, पण शरद पवार यांनी पुरस्कार देऊन एकप्रकारे विश्वासघात केला असल्याची टीका केली.

उद्धव सेनेने शरद पवारांचा अपमान केला – एकनाथ शिंदे

शिवसेना उबाठाच्या नेत्यांनी केलेल्या या टीकेनंतर शरद पवार यांच्या बचावासाठी एकनाथ शिंदे पुढाकार घेत म्हणाले की, सत्कार केल्यानंतर संपूर्ण उद्धव सेना शरद पवार यांच्या विरोधात आक्रमक झाली आहे. राज्यातील जनतेने विधानसभा निवडणुकीत त्यांची जागा दाखवून दिली आहे. त्यामुळे त्याचे संतुलन बिघडले आहे. पंतप्रधान मोदी, शाह आणि एकनाथ शिंदे यांचा तिरस्कार करणारे आता महान योद्धा महादजी शिंदे यांचा तिरस्कार करू लागले आहेत असा पलटवार करत एकनाथ शिंदे पुढे म्हणाले की, संजय राऊत आणि संपूर्ण उद्धव सेनेने शरद पवार आणि साहित्यिकांचा अपमान केला आहे, ते नेहमी म्हणतात की आम्ही शरद पवार यांचा आदर करतो. माझा आदर केल्यानंतर त्यांनी त्यांचा अपमानही केला. जनता पाहत आहे. आरोपाचे उत्तर आरोपाने नाही तर कारवाई देऊ असा इशाराही यावेळी दिला.

शिवसेना उबाठा आणि शरद पवार गटात शाब्दिक युद्ध

शरद पवार यांनी त्यांच्या हस्ते उपमुख्यमंत्री एकनाथ शिंदे यांना पुरस्कार देऊ एकप्रकारे महाविकास आघाडीतच भांडणे लावली असल्याची चर्चा सुरु झाली. एकनाथ शिंदे यांचा सन्मान केल्याबद्दल शरद पवार यांना लक्ष्य केल्याच्या शिवसेनेच्या आरोपावर शरद पवार यांच्या पक्षाने पलटवार केला आहे. राष्ट्रवादीचे आमदार रोहित पवार म्हणाले की, संजय राऊत आणि उद्धव सेनेच्या प्रवक्त्यांनी विचारधारा वेगळ्या असल्या तरी एकमेकांचा आदर केला पाहिजे. एकनाथ शिंदे यांना एका संस्थेतर्फे हा पुरस्कार प्रदान करण्यात आला ज्यामध्ये शरद पवार यांना प्रमुख पाहुणे म्हणून आमंत्रित करण्यात आले होते.

महाविकास आघाडीत फूट?

एकनाथ शिंदे यांना पुरस्कार दिल्यानंतर शिवसेना उबाठाने ही आक्रमकता दाखवून शरद पवार यांच्यावर तुटून पडल्याने महाविकास आघाडीत फूट निश्चित मानली जात आहे. लोकसभा निवडणुकीत महाविकास आघाडीला मिळालेल्या भरघोस यशानंतर देशपातळीवर इंडिया आघाडी आणि महाविकास आघाडीची चांगली सुरुवात झाली, मात्र सहा महिन्यातच विधानसभा निवडणुकीत मविआला पराभवाचा सामना करावा लागला. आता शरद पवार यांनी एकनाथ शिंदे यांना दिलेल्या पुरस्कारानंतर शिवसेना उबाठाने मविआ आणि शरद यांच्या पक्षातील वाक्ययुद्धातून हे स्पष्टपणे दिसून येते की मविआमध्ये फूट निश्चित आहे आणि दोन्ही पक्ष आगामी निवडणुका स्वतंत्रपणे लढतील.

काय प्रकरण आहे

गेल्या मंगळवारी दिल्लीत उपमुख्यमंत्री एकनाथ शिंदे यांना महादजी शिंदे यांच्या नावाने राष्ट्रगौरव पुरस्कार देऊन सन्मानित करण्यात आले होते. एकनाथ शिंदे यांचा आदर करण्याची शरद पवार यांची चर्चा उद्धव ठाकरेंच्या पक्षाला आवडली नाही, त्यामुळे संजय राऊत यांच्यासह संपूर्ण सेनाच शरद पवारांवर आक्रमक झाली असून, त्यांच्याविरोधात वक्तव्ये करू लागली. संजय राऊत यांच्या आरोपावर एकनाथ शिंदे यांचे मंत्री आणि प्रवक्ते संजय शिरसाट यांनी पलटवार केला असून, संजय राऊत हे शकुनी आहेत. महाविकास आघाडी संजय राऊतांमुळे झाली की शिवसेना राऊतांमुळे फुटली, गेल्या अडीच वर्षांत त्यांनी काहीही केले नाही. राऊत हे राजकारणातील खलनायक आहेत. त्यांचा निषेध केला पाहिजे अशी टीकाही यावेळी केली.