Breaking News

यंदाच्या वर्षात फक्त २५ दिवस सुट्ट्या, ८ दिवसांचा सरकारी कर्मचाऱ्यांचा तोटा राज्य सरकारकडून सुट्यांचे वेळापत्रक जाहीर-शनिवार-रविवारमुळे ८ दिवस अतिरिक्त काम करावे लागणार

मराठी ई-बातम्या टीम

यंदाच्या वर्षभरात राज्य सरकारी कर्मचारी, शिक्षक-शाळा-महाविद्यालये, यासह निमसरकारी संस्थांना २०२२ या आगामी वर्षात जवळपास विविध सणांच्या २५ दिवसांच्या सुट्या मिळत आहेत. तर त्यातील ८ सणवार हे शनिवार, रविवारी येत असल्याने अतिरिक्त मिळणारे ८ दिवस सुट्यांचे या सर्वांना मिळणार नाहीत. आगामी वर्षात सर्वात कमी सुट्या आल्याने आपसूच कर्मचाऱ्यांना जास्त दिवस काम करावे लागणार आहे.

राज्य सरकारने यासंदर्भात जारी केलेल्या आदेशानुसार २६ जानेवारी प्रजासत्ताक दिन, १ मार्च- महाशिवरात्री, १८ मार्च- होळी, १४ एप्रिल-महावीर जयंती, १५ एप्रिल-गुड फ्रायडे, ३ मे- रमझान ईद, १६ मे-बुध्द पौर्णिमा, ९ ऑगस्ट –मोहरम, १५ ऑगस्ट-स्वातंत्र्य दिन, १६ ऑगस्ट-पारशी नववर्ष, ३१ ऑगस्ट-गणेश चर्तुर्थी, ५ ऑक्टोंबर-दसरा, २४ ऑक्टोंबर-दिवाळी अमावस्या (लक्ष्मी पूजन), २६ ऑक्टोंबर दिवाळी (बलिप्रतिपदा)-भाऊबीज, ८ नोव्हेंबर –गुरू नानक जयंती,१ एप्रिल-बँक व्यवहारांना सुट्टी आदी सुट्टीचे दिवस कार्यालयीन कामकाजाच्या दिवसात येत आहेत. त्यातील दिवाळीच्या सुट्या या सोमवारपासून मिळणार आहेत. त्यामुळे ऑक्टोंबर महिन्यात जवळपास ५ दिवस हे कर्मचाऱ्यांना सुट्यांचे मिळणार आहेत.

याशिवाय १९ फेब्रुवारी-छत्रपती शिवाजी महाराज जयंती, २ एप्रिल-गुढी पाडवा, १० एप्रिल-राम नवमी, १ मे- महाराष्ट्र दिन, १० जुलै- बकरी ईद, २ ऑक्टोंबर-महात्मा गांधी जयंती, ९ ऑक्टोंबर- ईद-ए-मिलाद, २५ डिसेंबर- ख्रिसमस हे सुट्टीचे दिवस शनिवार-रविवारी आल्याने सरकारी कर्मचाऱ्यांसह निमसरकारी संस्थांना ८ दिवस सुट्ट्यांचा तोटा झाला आहे. मात्र दुसऱ्या बाजूला सरकारी कर्मचाऱ्यांना हे ८ दिवस अतिरिक्त काम करावे लागणार आहे.

राज्य सरकारने जाहीर केलेल्या सुट्यांचे परिपत्रक-

Check Also

मुख्यमंत्र्यांच्या तब्येतीचे गुपित उघड करत पाटील म्हणाले, अन्य नेत्यांकडे पदभार द्या भाजपाचे प्रदेशाध्यक्ष चंद्रकांत पाटील यांची आग्रही मागणी

मराठी ई-बातम्या टीम राज्याला गेले सत्तर दिवस मुख्यमंत्री पूर्णवेळ उपलब्ध नाहीत. पंतप्रधान नरेंद्र मोदी यांच्यासोबत …

Leave a Reply

Your email address will not be published. Required fields are marked *