मुंबई : प्रतिनिधी
पूर्वीश्रमीचे शिवसैनिक तथा भाजपाचे केंद्रीय मंत्री नारायण राणे यांनी स्व.बाळासाहेब ठाकरे यांच्या स्मृतीस्थळाला भेट दिल्यानंतर काही शिवसैनिकांनी स्मृतीस्थळाचे शुध्दीकरण केले. यावरून स्वत: नारायण राणे यांच्यासह भाजपाचे आशिष शेलार, विरोधी पक्षनेते प्रविण दरेकर यांनी शिवसेनेवर टीकेची झोड उठविली आहे.
जाणून घेवूया कोण काय म्हणाले….
याबाबत केंद्रीय मंत्री नारायण राणे यांना विचारले असता ते म्हणाले की, आतापर्यतच मुख्यमंत्री उध्दव ठाकरे यांचे सर्वोत्कृष्ठ काम म्हणजे मी जावून आल्यानंतर शुध्दीकरण करण्याचे जे काम केले ते आतापर्यंतचे काम आहे अशी उपरोधिक टीका केली.
सत्तेच्या लालसेपोटी सोनिया गांधींच्या नावाने शपथ घेऊन काँग्रेस बरोबर सलगी केलेल्या आणि
स्वर्गीय हिंदुहृदयसम्राट बाळासाहेब ठाकरे यांना जेलमध्ये टाकलेल्या छगन भुजबळांबरोबर सत्तेच्या लालसेपोटी सलगी करणाऱ्या शिवसेनेचीच शुद्धीकरण करण्याची गरज झाली आहे! @BJP4Maharashtra pic.twitter.com/d1VqZdUnHI— Adv. Ashish Shelar – ॲड. आशिष शेलार (@ShelarAshish) August 19, 2021
'शुद्धीकरण' हे कोत्या मनाने होतं नसतं!
वंदनीय बाळासाहेब सर्वांचे आहेत!सत्तेसाठी काँग्रेसच्या मांडीला मांडी लावून बसणाऱ्यांनी, आधी काँग्रेसला विचारायला पाहिजे होतं की 'गोमूत्र' शिंपडलं तर चालणार आहे का?
— Pravin Darekar – प्रविण दरेकर (@mipravindarekar) August 19, 2021