दुचाकीस्वार आणि त्याच्या मागे बसणाऱ्याने हेल्मेट वापरणे बंधनकारक आहे. मात्र अनेक दुचाकी स्वाराबरोबर मागे बसणाऱ्या व्यक्ती हेल्मेट घालत नसल्याचे मुंबई वाहतूक अर्थात ट्रॅफिक पोलिस दलाच्या लक्षात आले आहे. त्यामुळे हेल्मेट न घालणाऱ्यावर कारवाईचा भाग त्यांचे ड्रायव्हिंग लायसेन्स रद्द कऱण्याचा निर्णय पोलिसांनी घेतला आहे.
यासंदर्भात मुंबई ट्रॅफिक पोलिसांनी यासंदर्भात एक आदेश आवाहन वजा आदेश नुकताच जारी केला.
मुंबई हे गजबजलेले शहर आहे. तसेच रस्तेही रूंदीने मोठे असले तरी अनेकवेळा बेदरकार दुचाकी चालविल्याने दुचाकीस्वारांच्या अपघाताच्या घटना घडताना आढळून येतात. त्यासाठी राज्य सरकारने यासंदर्भात कायदा करत दुचाकी स्वाराने वाहन चालविताना हेल्मेट वापरणे बंधनकारक केले. मात्र अद्यापही अनेक दुचाकीस्वार हेल्मेट वापरत नसल्याचे आढळून आले आहे.
याशिवाय दुचाकीस्वाराबरोबरच त्याच्यासोबत असलेला व्यक्तीही हेल्मेट वापरत नसल्याचे दिसून येत आहेत. त्यामुळे अपघातात दुचाकी स्वाराबरोबरच त्यांच्या सोबत असलेल्या किंवा मागे बसलेल्या व्यक्तीचा अपघाता दरम्यान शाररीक ईजा, प्राणहानी होण्याच्या दुर्दैवी घटना घडत असल्याचे दिसून आले आहे. त्यामुळे मुंबई पोलिसांनी यासंदर्भात एक आज आदेश वजा आवाहन करणारे पत्रक जारी केले आहे.
या पत्रकानुसार शहरातील सर्व दुचाकी स्वारांना १५ दिवसांची मुदत देण्यात आली आहे. या १५ दिवसांमध्ये दुचाकी स्वाराबरोबरच त्यांच्यासोबत असलेल्या व्यक्तीनेही हेल्मेट वापरणे बंधनकारक करण्य़ात आले आहे. त्यामुळे जर दुचाकीस्वाराबरोबर त्याच्या सोबतच्या व्यक्तीने हेल्मेट वापले नाही तर त्या दोघांवरही कायदेशीर कारवाई करण्याचा इशारा दिला आहे.
याशिवाय दुचाकीस्वाराने हेल्मेट घातले असेल अन् त्याच्या पाठिमागे बसलेल्या व्यक्तीने जर हेल्मेट घातले नसल्यास त्याच्यावर कारवाई करण्याचा इशारा मुंबई पोलिसांनी दिला. हेल्मेट न वापरणाऱ्यास मोटार वाहन कायद्यातील तरतूदींप्रमाणे ५०० रूपयांचा दंड आणि तीन महिन्यासाठी ड्रायव्हिंग लायसेन्स निलंबित करण्यात येणार असल्याचा इशारा देण्यात आला आहे.
त्यामुळे दुचाकीस्वाराने हेल्मेट वापरणे आता हेल्मेट वापरणे आवश्यक आहे. जर हेल्मेट वापरले नाहीतर ड्रायव्हिंग लायसन्स निलंबित करण्यात येणार आहे.
Persons riding a 2-wheeler i.e both the rider and pillion are hereby urged to wear a helmet.
As per MVA, action will be taken in case of violation of this rule for pillion rider as well. We will start implementing after 15 days from now.#WearAHelmet #PillionAsWell pic.twitter.com/5uhHB2z3tY
— Mumbai Traffic Police (@MTPHereToHelp) May 25, 2022
- हे ही वाचा
- राज्यातील आदर्श अंगणवाड्या आता अधिक स्मार्ट, बोलक्या, अद्ययावत आणि होणार
- कांदळवनाचे महत्त्व अबाधित राखण्यासाठी मुंबईत लवकरच पथदर्शी प्रकल्प
- अजित पवार म्हणाले, शेतकऱ्यांनी उत्कृष्ट उत्पादनासाठी रंग, सुवास, रुप, चव यावर काम करावे
- गृहमंत्री वळसे-पाटील यांची स्पष्टोक्ती, पोलिसांनी केंद्रीय गृह सचिवांनाही पत्र पाठवलयं