Breaking News

फुंडकरांच्या निधनाने रिक्त झालेल्या जागेसाठी ३ ऑक्टोबरला मतदान भाजपामध्ये तिकिटासाठी चढाओढ

मुंबई : प्रतिनिधी

राज्याचे दिवंगत कृषिमंत्री पांडुरंग फुंडकर यांच्या निधनामुळे रिक्त झालेल्या विधान परिषदेच्या जागेसाठी येत्या तीन ऑक्टोबरला निवडणूक होणार आहे. केंद्रीय निवडणूक आयोगाने दिल्लीत याची घोषणा केली.

विधानसभा सदस्यांकडून विधान परिषदेवर निवडून द्यायच्या सदस्यांच्या माध्यमातून फुंडकर विधान परिषदेवर निवडून गेले होते. २४ एप्रिल २०२० पर्यंत त्यांचे सदस्यत्व होते. परंतु ३१ मे २०१८ रोजी फुंडकर यांचे हृदयविकाराच्या तीव्र झटक्याने निधन झाले. त्यामुळे रिक्त झालेल्या जागेसाठी ही पोटनिवडणूक होत असून निवडून आलेल्या सदस्याचा कार्यकाल २४ एप्रिल २०२० पर्यंत राहील.

या पोटनिवडणुकीसाठी १४ सप्टेंबरला अधिसूचना जारी होईल. २२ सप्टेंबरपर्यंत उमेदवाराला आपला उमेदवारी अर्ज दाखल करता येईल. २४ सप्टेंबरला उमेदवारी अर्जांची छाननी होईल. २६ सप्टेंबरपर्यंत उमेदवारी अर्ज मागे घेता येतील. तीन ऑक्टोबरला सकाळी नऊ ते संध्याकाळी चार वाजेपर्यंत मतदान होईल आणि त्याचदिवशी संध्याकाळी पाच वाजता मतमोजणी होईल. विधानसभेत सध्या भारतीय जनता पार्टीचे बहुमत आहे. विधानसभेत भाजपाचे सदस्य सर्वात जास्त असल्यामुळे इतर कोणताही पक्ष या पोनिवडणुकीसाठी आपला उमेदवार देण्याची शक्यता नाही. त्यामुळे ही पोटनिवडणूक बिनविरोध होण्याचीच शक्यता जास्त आहे. पर्यायाने भाजपामध्ये आता तिकीट मिळविण्यासाठी चढाओढ सुरू झाली आहे.

Check Also

शिवसेना प्रवक्ते प्रताप सरनाईक यांच्या मुलाला ईडीने घेतले ताब्यात आघाडीतील सहयोगी पक्षांकडून भाजपावर टीकेचा सूर

मुंबईः प्रतिनिधी आर्किटेक्चर अन्वय नाईक आत्महत्या प्रकरणी सातत्याने आवाज उठविल्याप्रकरणी शिवसेनेचे प्रवक्ते प्रताप सरनाईक यांच्या …

Leave a Reply

Your email address will not be published. Required fields are marked *