मुंबई: प्रतिनिधी
राज्याचे गृहमंत्री अनिल देशमुख यांना कोरोनाची आज लागण झाल्याचे स्पष्ट झाले असून संपर्कात आलेल्या व्यक्तींनी स्वत:ची कोरोना चाचणी करून होम क्वारंटाईन करून घ्यावे असे आवाहन गृहमंत्री देशमुख यांनी ट्विटरवरून केले.
मागील दोन चार दिवसांपासून देशमुख यांना अस्वस्थ जाणवत होते. तसेच त्यांना बारीक तापही आला होता. त्यामुळे त्यांनी आज कोरोना चाचणी केली असता ते कोरोना पॉझिटीव्ह असल्याचे स्पष्ट झाले.
आज माझी कोरोना चाचणी पॉझिटिव्ह आली असून माझी प्रकृती उत्तम आहे. तरी माझ्या संपर्कात आलेल्या सर्वांनी कोरोना चाचणी करून घ्यावी, असे मी आवाहन करतो. लवकरच मी कोरोनावर मात करून पुन्हा आपल्या सेवेसाठी हजर होईल.
— ANIL DESHMUKH (@AnilDeshmukhNCP) February 5, 2021